Вокзал маңы абаттандырылады
«Қазақстан теміржолшысы» газетінің тілшісі
Елордадағы ескі вокзал, яғни Астана темір жол станциясы вокзалының айналасы абаттандырылмақ. Вокзал алаңында кедергісіз орта жасалып, ескі пойыз ескерткішінің жанына көпжылдық өсімдіктер отырғызылады.
Аялдамаларға ұзын орындықтар қойылып, жүк қоюға ыңғайлы етілетін болады. Автотұрақта, жолдарда көліктердің ортасын бөліп тұратын алаңашалар көгалдандырылмақ. Жаяу жүргіншілер жолағы асфальт деңгейінен биіктетіледі. Түрлі шарбақтаршалар алынып тасталып, олардың орнына біркелкі етіп боллардылар қойылмақ. Шамдар мен отырғыштар және басқа да мүліктер бірдей стильге келтірілмек. Жаңадан тротуар төселетін болады. Ал вокзалдың кіреберісінде пандус бола ма жоқ па, әзірге белгісіз. Өйткені, ол аймақ жобадан тыс ғимаратқа тиесілі. Еске сала кетсек, қала тұрғындары ескі вокзал мүмкіндігі шектеулі адамдардың кіріп-шығуына ыңғайсыз екендігін жиі сынға алады.