ҚР, ҚХР және РФ e-commerce саласындағы байланыстарды нығайтуда

Уфа - да (РФ) Қазақстан Республикасы мен Ресей Федерациясы мемлекеттерінің басшылары деңгейінде XX Өңіраралық ынтымақтастықтың  мерейтойлық форумы шеңберінде электрондық коммерция саласындағы ынтымақтастық туралы келісімге қол қойылды, деп хабарлайды Rail-news.kz.  

Келісімге "KTZ Express" АҚ ("ҚТЖ" ҰК" АҚ еншілес компаниясы), Polyking New Horizons Technology Industry Co., Ltd. (ҚХР) және "Славтранс-Сервис" АҚ (РФ) қатысты.

Құжат Қытай – Қазақстан – Ресей маршрутындағы логистикалық процестерді жетілдіруді қоса алғанда, электрондық коммерция саласындағы инновациялық шешімдерді бірлесіп әзірлеуді және енгізуді көздейді. Бұл келісім трансшекаралық саудаға қатысушылар үшін жаңа көкжиектер ашып, электрондық коммерция нарығының серпінді дамуына ықпал ете отырып, Қазақстан, Ресей және Қытай арасындағы экономикалық байланыстарды нығайтады.

Қол қою Мәскеу облысы (РФ) Селятино станциясында орналасқан CRK Terminal бірлескен кәсіпорны негізінде дамып келе жатқан табысты серіктестіктің жалғасы болды.  

"Біз қазақстандық және қытайлық серіктестермен бірлесіп, қазіргі  ортаның жаңа сын-қатерлеріне сәйкес болуға тырысамыз. Біздің ынтымақтастығымыз шеңберінде әзірленген бірыңғай цифрлық платформа жүк туралы вагон нөмірі мен сипаттамалары сияқты дәстүрлі деректерді ескеріп ғана қоймай, сонымен қатар қытайлық кеденнен маңызды ақпаратты қазақстандық, содан кейін ресейлік кеденге жеткізуге мүмкіндік береді. Бұл e-commerce форматында тиімді жұмыс істеуге мүмкіндік береді, онда бір көлік партиясында қазіргі заманғы қытайлық импорттаушы мен отандық экспорттаушының қажеттіліктеріне бағдарланған мыңдаған жеке тауар позициялары болуы мүмкін", - деп атап өтті "Славтранс-Сервис" АҚ Бас директоры Павел Стрепков.