ҚТЖ-да өткелдердегі бейнеталдау жүйелерінің сынағы аяқталды
Талдау көрсеткендей, өткелдердегі апаттар көбінесе көлік жүргізушілерінің кінәсінен орын алады, деп хабарлайды Rail-news.kz.
“Қазақстан темір жолы” ҰК” АҚ-да жыл сайын осы мәселені шешуге көбірек көңіл бөлінуде. Компанияда Жаңа - Қарағанды - Майқұдық аралығының 721 км өткелінде ӨАБТЖ-М темір жол өткелдері үшін бейне талдаудың автоматтандырылған жүйесін пайдалану сынақтары жүргізілді.
ӨАБТЖ-М бейне талдау автоматтандырылған жүйесі "ҚТЖ" ҰК" АҚ қызметтерін теміржол өткелінде кедергілердің болуы туралы автоматты түрде ескертуге және теміржол өткелдеріндегі жағдайды жақсарту бойынша пәрменді шаралар қабылдау үшін өңірдің тиісті ұйымдарына ақпарат беруге арналған.
ӨАБТЖ-М темір жолдарының автомобиль жолымен қиылысу жеріндегі өту аймағының жай-күйін үздіксіз бағалауды қамтамасыз етеді. Жүйе өткелдің бақыланатын аймағындағы оқиғалардың бейнежазбасын, үй-жай ішіндегі жазуды қоса алғанда, өткелдегі кезекшінің жұмыс аймағы оқиғаларының бейнежазбасын жүзеге асырады. Ол өткел кезекшісінің штаттан тыс жағдайдың туындауы мәніне қарай өткелдің жай-күйін қадағалайды және хабарлайды.
Пайдалану сынақтары екі кезеңде өтті. Бірінші кезең - жұмыс істеу қабілетін бақылауды тексеру, нейрондық желіні оқыту. ӨАБТЖ-М жұмыс қабілеттілігін тексеру кезекшінің дисплейіндегі бейнекамералардан кескіннің болуын, сондай-ақ осы кескіннің өзектілігін визуалды бақылаудан тұрды (сурет қатып қалмады). Екінші кезең - бейне талдау функционалдығын қоса, жүйенің жұмысын бақылауды тексеру.
Сынақ қорытындысы бойынша бейне талдау жүйесі "ҚТЖ" ҰК" АҚ магистральдық теміржол желісінде қолдануға және енгізуге ұсынылғаны атап өтілді.