Алты ел еуразиялық дәлізді қалыптастыру барысын талқылады
Корреспондент газеты «Қазақстан теміржолшысы»
2025 жылғы 12 мамырда Тегеранда Басқарма төрағасының логистика жөніндегі орынбасары бастап барған “Қазақстан темір жолы" ҰК" АҚ делегациясы Жол және қала құрылысы министрінің орынбасары – Иран темір жолдарының бас директоры, доктор Джаббар Али Закери, "Қытай темір жолдары" мемлекеттік корпорациясының бас директоры Сунь Сюдэ мырзаның қатысуымен, сондай-ақ Өзбекстан, Түрікменстан және Түркия теміржол әкімшіліктері басшылары орынбасарларының алты жақты кездесуге қатысты, деп хабарлайды Rail-news.kz.
Іс-шара Қытай – Қазақстан – Өзбекстан – Түрікменстан – Иран – Түркия/Еуропа тиімді көлік дәлізін қалыптастыру бойынша көпжақты ынтымақтастықты дамытудағы маңызды қадам болды. Осы маршруттың қажеттілігін айқындауды растау Қазақстан арқылы транзитпен Қытай – Иран бағыты бойынша контейнерлік тасымалдарды өткен жылдың сәйкес кезеңімен салыстырғанда 2025 жылдың қаңтар–сәуір айларында 2,6 есеге ұлғайту болды.
Кездесу шеңберінде осы маршрутта контейнерлік тасымалдарды жандандыру бойынша бірлескен іс-қимылдар туралы уағдаластыққа қол жеткізілді. Тараптар халықаралық тасымалдар нарығында дәлізді ілгерілетуге жан-жақты қолдау көрсетуге дайын екендігін растады.
Сондай-ақ тараптар бәсекеге қабілетті тарифтік шарттарды бекітті және бүкіл маршрут бойынша бекітілген жалпы жеткізу уақытын сақтауды қоса алғанда, Пойыздар қозғалысын ұйымдастырудың негізгі параметрлеріне келісті.