Машинист трактормен соқтығысуға жол бермеді

2025 жылғы 18 мамырда Жосалы – Қызылорда учаскесінің реттелетін, қорғалмайтын теміржол өткелінде Атырау – Алматы қатынасындағы №42 "Тальго" пойызының машинисі "Беларусь" маркалы трактормен соқтығыспау үшін шұғыл тежеуді қолданды, деп хабарлайды Rail-news.kz.  

Трактор жүргізушісі жол ережелерін бұзып, жақындап келе жатқан пойыздың алдынан өтіп, оқиға орнынан қашып кетті. Оқиға туралы ақпарат Қызылорда станциясындағы желілік полиция бөліміне берілді.  

Оқиғаның себебі трактор жүргізушісінің жол қозғалысы ережелерін бұзуы болды.