Бакуде TХКБ-ны дамыту мәселелері талқыланды
Корреспондент газеты «Қазақстан теміржолшысы»
"Қазақстан темір жолы" ҰК" АҚ Басқарма төрағасы Талғат Алдыбергенов Бакуге жасаған жұмыс сапары барысында Әзірбайжанның цифрлық даму және көлік министрі Рашад Набиевпен кездесуге, сондай-ақ "Middle Corridor Multimodal Ltd" Бірлескен кәсіпорны акционерлерінің кезектен тыс жалпы жиналысына қатысты, деп хабарлайдыRail-news.kz.
Рашад Нәбиевпен кездесуге Қазақстан Республикасы Президентінің кеңесшісі Әсел Жанасова және Теміржол және су көлігі комитетінің төрағасы Жәнібек Тайжанов, "ӘТЖ" ЖАҚ, "ГТЖ" АҚ басшылары қатысты. Орта дәлізді дамыту, процестерді цифрландыру, "Тар жерлерді" жою жөніндегі жол картасын іске асыру және ынтымақтастықтың басқа да бағыттары талқыланды.
Маршрут бойынша контейнерлік пойыздардың өту мерзімдеріне бірлескен мониторингті енгізу туралы уағдаластыққа қол жеткізілді. Бұл кестенің тұрақтылығын қамтамасыз етуге, туындайтын логистикалық мәселелерді жедел шешуге және маршруттың тиімділігін арттыруға мүмкіндік береді.
Серіктестердің бірлескен күш-жігерімен маршруттың негізгі бәсекелестік артықшылықтары – жеткізу жылдамдығы мен сенімділігі қамтамасыз етілді. Бүгінгі таңда Қытайдан Еуропаға ТХКБ бойынша жүктер 15-18 тәулікте жеткізіледі, бұл теңіз көлігімен салыстырғанда 2 есе жылдам.
"Middle Corridor Multimodal Ltd." акционерлерінің кезектен тыс жиналысы аясында "China Railway Container Transport Co , Ltd. ұсынған еншілес ұйымы "Қытай теміржол контейнерлік тасымалы" ЖШҚ-ның бірлескен кәсіпорын құрамына кіру туралы келісімдерге қол жеткізілді. Қытайдың жетекші контейнерлік тасымалдау операторын "Middle Corridor Multimodal Ltd." құрамына интеграциялау маршруттың дамуына жаңа серпін беріп, бәсекелестік артықшылықтарын күшейтеді.