Сандық өлшеммен сапаға бетбұрыс
Жаңалықтар
15.09.2017, 10:02
Осы аптада Елордада Мемлекет басшысы Нұрсұлтан Назарбаевтың қатысуымен цифрландыру мәселелері жөніндегі республикалық кеңес өтті. Тың технологияларды игере отырып, сандық экономикаға өту жолдары талқыланған жиын барысында «Цифрлы темір жол» стратегиясы да таныстырылды.
Кеңес барысында «Цифрлы Қазақстан» бағдарламасының жобасы таныстырылып, оның негізгі басымдықтары айтылды. Қазақстан 2025 жылы цифрлы технологиялар бойынша бәсекеге қабілеттілікті анықтайтын әлемдік рейтингте 30-шы орыннан көрінуді мақсат тұтып отыр. Қазір бұл көрсеткіш бойынша 38-ші сатыдамыз.
- Цифрландыру дегеніміз Қазақстанның озық ел атану жолындағы мақсат емес, құрал. Бәсекеге қабілетті болу, өсімді, өнім өндіруді арттыру, міне, осы – мақсат,-деді өз сөзінде Елбасы. Мемлекет басшысы сонымен қатар «Цифрлық Қазақстан» мемлекеттік бағдарламасының маңызына тоқталды. Президент бүгінгі жаһандану заманында бізден жаңа инновациялық даму мен жедел технологиялық жаңғыру талап етілетінін тілге тиек етті. Мұның барлығы әлеуметтің әлеуетін артырып, отандастарымыздың өмір сүру сапасын жақсартуға негізделген. Алайда алға қойылған мақсатқа мінсіз жету үшін тынымсыз тер төгіп, халықтың техникалық сауаттылығын көтеру шарт. Бұл цифрлық экономика қажет ететін негізгі талаптардың бірі.
Республикалық кеңесте «Сандық Қазақстан» мемлекеттік бағдарламасының көлік-логистикалық сектордағы орындалу барысы бойынша «ҚТЖ» ҰК» АҚ басшысы Қанат Алпысбаев баяндама жасап, салалық стратегияның жасалуы мен оның негізгі бағыттарына тоқталды.
Белгілі болғандай, темір жол саласын сандық жүйеге көшіру электрондық коммерция, өнеркәсіптік интернет және мәліметтерді электронды сараптау бойынша жаңа жобаларды жүзеге асыруды қарастырады. Электрондық коммерция жобасын жүзеге асыру барысында «Бірыңғай терезе» тапсырыс берушілерге логистикалық платформада қызмет көрсетеді. Тасымалдау үдерісіне қатысушылар ҚР мемлекеттік органдарының ақпараттық автоматтандырылған жүйесіне ықпалдасады. Қазіргі таңда бірқатар бизнес-үдерістер автоматтандырылып, қалғандары енгізілу үшін дайындалуда.
–«Бірыңғай терезе» жүйесі арқасында құжаттарды рәсімдеу үдерісі 8 есе қысқарады, сөйтіп операциялық шығындар 50 пайызға азаяды, сонымен қатар құжаттарды рәсімдеу мен мониторинг жүргізу анағұрлым айқындала түседі, - деп атап өтті Қ. Алпысбаев.
Сонымен қатар бүгінгі таңда өндірістік интернет саласына да жобалар енгізілуде, бұл өз кезегінде пойыз тартымындағы жылу энергиялық ресурстарын 13% және электр қуатын 7%, активтерге техникалық қызмет көрсету мен жөндеу шығынын 20% азайтады. Инфрақұрылымның қызмет көрсету, пайдалану мерзімін екі есеге арттырады. Сонымен қатар жүктердің қай жерде жүргендігін анықтап, нақты мерзімінде тұрақты мониторингілік қадағалау жүргізуге мүмкіндік беріледі.
Спикердің айтуынша, сенімді өнеркәсіптік интернет платформасын ұйымдастыру мен жасақтау жобалары 2017 -2035 жылдары атқарылады. Өз кезегінде үлкен көлемдегі мәліметтерді жедел сараптау саласындағы жобалар локомотивтер, вагондар мен инфрақұрылымдардың тозығы жетуі туралы мәліметтерді жинақтап, магистральдың өткізу мүмкіндігін арттырады. Активтерді пайдалану шығындарын азайтады.
–Біздің Компания индустрия 4.0 құрылғыларын өндіріске енгізу арқылы әлемдік цифрлық қауымдастық құрамына кіре алады,-дейді Қ. Алпысбаев.
Осылайша, компанияны сандық жүйеге көшіру «Самұрық-Қазына» компаниясының трансформациялау тобы кешенді бағдарламасы шеңберінде жүзеге асырылып, ол негізгі сапалық көрсеткіштерді жақсартуға мүмкіндік бермек.
Жалпы алғанда, ұлттық компаниядағы «Сандық темір жол» бағдарламасы бойынша бизнес-үлгілер сандық жүйеге көшіру мен жүк және жолаушылар тасымалы, инфрақұрылым мен көліктік логистика сынды негізгі операциялық салаларға жаңа технологияларды енгізуді қарастыратын 30-дан астам АТ-жобаларды жүзеге асыру жоспарлануда.
Әсел ШАЙХЫНОВА
Сурет Ақ Орда сайтынан алынды
Жаңалықтар
26.11.2024
Биыл отандық өндірушілермен 1 637 келісімшарт жасалды
Жүк тасымалы
26.11.2024
Достық станциясынан ҚХР-ға тасымалдау жоспары мерзімінен бұрын орындалды
Жолаушылар тасымалы
26.11.2024
Жолаушылар вагондарындағы стоп-кранды пайдалану ережелері
Жаңалықтар
26.11.2024
Ыстамбұлда ТХКБ дамуы талқыланды
Инфрақұрылым
26.11.2024
Павлодар магистральдық желі бөлімшесінің инфрақұрылымын дамыту жалғасуда
Аймақтар
26.11.2024
Күзет мамандары үш тілді қатар меңгеруде
Аймақтар
26.11.2024
Станция басшылары біліктілігін арттырды
Станция тынысы
26.11.2024
Аймақтың бағын ашқан алып құрылыс
Инфрақұрылым
26.11.2024
Жолдарды жаңғырту – жауапты мәселе
Жаңалықтар / Мұрағат
26.11.2024
«Қазақстан теміржолшысы» газеті, №100 26 қараша 2024 жыл
Жаңалықтар
25.11.2024
ҚТЖ Хорватия серіктестерімен байланысты нығайтады
Жаңалықтар
25.11.2024
Белгісіз біреулер Көкпекті – Нұра аралығындағы жолдан бекітпе болттарды ұрлап кеткен
Аймақтар
25.11.2024
Ардагерлер алғысқа бөленді
Әлемде
25.11.2024
Alstom Израильге электровоздарды жеткізуді аяқтады
Спорт
25.11.2024
ҚТЖ құрамасы – чемпион!
Жаңалықтар
25.11.2024
Транскаспий дәлізі: Бакуден Сианға алғашқы контейнерлік пойыз жөнелтілді
Жаңалықтар
25.11.2024
Астана станциясының сигналшыларына жаңа қызметтік үй-жай берілді
ҚТЖ келбеті
25.11.2024
Теміржолшы Темірзақ жайлы бір үзік сыр
Инфрақұрылым
25.11.2024
Өткелдер қауіпсіздігі маңызды
Жаңалықтар
22.11.2024
ҚТЖ Бескөл депосында дизель отынының ұрланғанын анықтады