Транскаспий халықаралық көлік бағытын дамыту талқыланды
«Қазақстан темір жолы» ҰК» АҚ, «Әзірбайжан темір жолдары» ЖАҚ және «Грузин темір жолы» АҚ басшылары ТХКБ-ны дамытуға арналған кеңес өткізді, деп хабарлайды Rail-news.kz.
Тараптар дәліздің бәсекеге қабілеттілігін арттыру, инфрақұрылымдық «тар жерлерді» жою және жылжымалы құрамды жаңарту жөніндегі шараларды талқылады. 2025 жылдың қорытындысы бойынша маршрут бойынша тасымалдау көлемі 15% өсіп, 42 мың ЖФБ-ға жетті. Жүктердің өтуін жеделдету үшін ақпараттық жүйелерді цифрландыруға және интеграциялауға ерекше назар аударылды.
Кездесу аясында «Middle Corridor Multimodal Ltd.» Бірлескен кәсіпорны (БК) акционерлерінің жалпы жиналысы өтті. Директорлар кеңесінің жаңа құрамы бекітілді, оның құрамына «ҚТЖ» ҰК» АҚ өндірістік процестер жөніндегі басқарушы директоры Бауыржан Орынбасаров және «ҚТЖ» ҰК» АҚ маркетинг департаментінің директоры Дархан Мұратханов кірді. БК-ның бас директоры болып Рүстем Сағиддинов тағайындалды.
Сонымен қатар, қатысушылар «ТХКБ» Халықаралық Қауымдастығының операциялық мәселелерін талқылады. Маршрутты дамыту бойынша кезекті кездесу 2026 жылғы 20 – 24 сәуірге жоспарланса, ол ТЖЫҰ Темір жолдарының бас директорлары конференциясының 40-шы отырысының «алаңында» өтеді.
Анықтама: «MIDDLE CORRIDOR MULTIMODAL LTD.» бірлескен кәсіпорны Қазақстан, Әзірбайжан және Грузия темір жолдарының қатысуымен тепе-тең негізде құрылды, АХҚО-да 2024 жылғы қарашада тіркелді.