ҚТЖ-да еңбек ардагеріне құрмет көрсетілді
ҚТЖ-да «ҚТЖ-Жолаушылар локомотивтері» ЖШС адам ресурстарын басқару жөніндегі функционалдық бағыт басшысы Шолпан Ақылбекқызы Әбілбекованы құрметті еңбек демалысына шығарып салуы болып өтті, деп хабарлайды Rail-news.kz.
Жалпы еңбек өтілі – 47 жыл, оның ішінде шамамен 30 жылы теміржол саласына арналған. Шолпан Ақылбекқызы өзінің кәсіби жолын Стандарттау, метрология және экология бойынша инженер болып бастап, «Локомотив Сервис ТЧ-28» ЖШС маркетинг бөлімінің бастығы, қаржы директоры, директор орынбасары, «Локомотив» АҚ экономика және қаржы жөніндегі вице-президенті, «ҚТЖ» ҰК» АҚ -«Тасымалдау процесінің дирекциясы» филиалы директорының экономика және қаржы жөніндегі орынбасары, «ҚТЖ – Жүк тасымалы» АҚ атқарушы директор – адам ресурстарын басқару және санын жоспарлау жөніндегі директоры лауазымдарына дейінгі белестерден өтті.
Шолпан Ақылбекқызы «Құрмет» орденімен, «Құрметті теміржолшы» жоғары салалық наградасымен, «Қазақстан темір жолына 25 жыл» мерейтойлық медальдарымен, Қазақстан Республикасы Тәуелсіздігінің 30 жылдығына, «ТҮРКСІБ-90», «Адал еңбегі үшін» төсбелгілерімен, сондай-ақ «Қазақстан темір жолының» 110 жылдығына арналған мерейтойлық медалымен марапатталған.
Әріптестері Шолпан Ақылбекқызына көп жылдық еңбегі, кәсібилігі және саланың дамуына қосқан үлесі үшін ризашылықтарын білдіріп, зор денсаулық, амандық және өмірдің жаңа бақытты сәтттерін тіледі.
