Талғат Алдыбергенов 100 жастағы ардагер-теміржолшыны Отан қорғаушылар күнімен және Жеңіс күнімен құттықтады
«Қазақстан темір жолы» ҰК» АҚ Басқарма Төрағасы Талғат Алдыбергенов Павлодар қаласына Ұлы Отан соғысының майдангері, ардагер-теміржолшы Василий Григорашқа барып, жауынгерлік ерлігі мен теміржолдағы көп жылғы адал еңбегі үшін шын жүректен алғыс білдірді, деп хабарлайды Rail-news.kz.
Василий Иванович 1926 жылы дүниеге келген. 17 жасында майданға аттанды. Жауынгерлік ерлігі үшін II дәрежелі Отан соғысы орденімен және «Жапонияны жеңгені үшін» медалімен марапатталған. Бүкіл өмірін теміржолға арнады – кочегардан машинистке дейінгі жолды жүріп өтіп, көптеген жылдар бойы Павлодар локомотив депосында жұмыс істеді, әріптестерінің ерекше құрметіне бөлендіжәне мамандыққа деген адалдықтың үлгісі болды. Ардагердің ерекше мақтанышы - «Миллион шақырым апатсыз жүру» төсбелгісі.
Компания басшысы ардагерлерге құрмет көрсетудің, сондай-ақ өз еңбегімен және батылдығымен Жеңіске, теміржол саласының дамуына үлес қосқан адамдарды есте сақтаудың, ұрпақтар сабақтастығының ерекше маңыздылығын атап өтті.
Бүгінде 100 жастағы ардагер бір кездері Павлодар локомотив депосында жұмыс істеген Ұлы Отан соғысының жалғыз қатысушысы.
Василий Иванович теміржолшыларға ілтипаттары мен жылы сөздері үшін алғыс айтты.
Қазақстан теміржолшылары өз батырларының ерліктерін есіне алып, аға буынға құрмет көрсету дәстүрлерін сақтауды жалғастыруда.