ҚТЖ Huawei-мен серіктестікте магистральдарды цифрлық трансформациялауды күшейтеді
«ҚТЖ» ҰК» АҚ Басқарма төрағасы Талғат Алдыбергенов Huawei басшылығымен – Орталық Азиядағы корпоративтік бизнес жөніндегі директор Цю Лэймен (Qu Lei) жұмыс кездесуін өткізді. Тараптар Қазақстанның теміржол инфрақұрылымын терең жаңғырту үшін озық цифрлық технологиялар мен smart-шешімдерді одан әрі енгізуді талқылады, деп хабарлайды Rail-news.kz.
Стратегиялық диалог шеңберінде ҚТЖ-ның басты мақсаты көлік дәліздерін жедел цифрландыру, пойыздар қозғалысының қауіпсіздігін арттыру және жүк ағындарын басқару үшін жоғары технологиялық АТ-платформасын құру болып табылады.
Кездесу барысында тараптар мыналарды: магистральдық желі бойы технологиялық байланыс пен сымсыз деректерді берудің заманауи жүйелерін енгізу; инфрақұрылымға болжамды қызмет көрсету үшін жасанды интеллекттің (AI) бұлттық шешімдері мен технологияларын интеграциялау; «ақылды станциялар» мен автоматтандырылған диспетчерлік орталықтарды құру бойынша бірлескен пилоттық жобаларды іске асыруды егжей-тегжейлі талқылады.