Портпен метал жөнелту мүмкіндігі зор

Жаңалықтар

23.09.2016, 12:19

Ресейлік металлургия комбинаты Ақтау порты арқылы өз өнімдерін тасымалдауға қызығушылық танытуда. Нақтырақ айтқанда, Магнитогорск металлургия комбинатының делегациясы қазақстандық мультимодальды көліктік-логистикалық компания – «KTZ Express» АҚ өкілдерінің жетекшілігімен Ақтау халықаралық теңіз сауда портында болып, оның жұмысымен танысты. Ресейліктер Ақтау порты арқылы өтетін Транскаспийлік халықаралық көлік бағдарымен Бакуге қарай кемемен жүк жөнелту жайын сұрады. Аталған комбинат әлемдік ірі болат өндірушілер қатарында және ол Ресейдегі қара металлургия кәсіпорындары арасында көшбасшы орында. Бұл жағынан Ақтау порты ресейлік серіктестеріне металды сапалы жөнелту қызметін ұсына алады, себебі дәл осы жүк түрі бүгінгі таңда порттағы ең негізгі қызметтердің бірі. Оны жөнелту қарқынын ұлғайту үшін мұнда барлық жағдай жасалуда, жүк өңдеу, есеп жүргізу және таңбалау тәсілдері жаңартылып, персоналдар оқытылуда. Осы жылдың тамыз айында Ақтау порты өзінің рекордтық көрсеткішіне қол жеткізді, яғни, портта 159 мың тонна метал өңделіп, Иран бағытындағы кемелермен жөнелтілген. Портты аралау барысында Жүк жөнелту және қабылдау кешенінің бастығы Б. Өтепов пен өндірістік үдерістерді басқарушы Габриэль Георге, сонымен қатар корпоративтік дамыту басқармасының жетекшісі Е. Погосова қонақтарды порттың өндірістік қуатымен таныстырып, метал тасымалдау технологиясын көрнекі түрде көрсетті. Соған қоса клиенттермен жұмыс бойынша жақында қабылданған жаңа енгізілімдер туралы баяндап, кеме айлағын аралатты.

Портпен метал жөнелту мүмкіндігі зор

Басқа да жаңалықтар

Қазақстан теміржолшысы газеті, №48 23 маусым 2026 жыл