Бірқатар облыстарға қатынайтын пойыздарының жиілігі қысқарады

Қазақстанда коронавирус індетінің таралуына жол бермеу жөніндегі ведомствоаралық коммиссия шешіміне және ҚР Индустрия және инфрақұрылымдық даму министрлігінің хатына сәйкес бірқатар облыстарға қатынайтын жолаушы пойыздарының жиілігі қысқарады. 

«Жолаушылар тасымалы» АҚ баспасөз қызметінің хабарлауынша, 9 қарашадан бастап №705/706 «Алматы-Петропавл» жолаушылар пойызы күнара қатынайтын болса, №31/32 «Павлодар-Алматы» жолаушылар пойызы белгіленген күндер бойынша жүретін болады. 

Ал бірқатар облыстарда барлық станцияларға билет сатуға және жолаушы отырғызуға/түсіруге уақытша тыйым салынады: Ақмола облысында Атбасар, Ерейментау, Аршалы станцияларынан, 1, 2 және 3-класты вокзалдар орналасқан Бурабай, Есіл, Макинка, Ақкөл, Жалтыр және Көкшетау курортын қоспағанда; Павлодар облысында Павлодар, Екібастұз, Ақсу-2 және Бозшакөл станцияларын қоспағанда; Қостанай облысында Қостанай, Тобыл, Құсмұрын, Есіл, Арқалық және Железорудная станцияларын қоспағанда; Солтүстік Қазақстан облысында барлық станциялар арқылы жолаушыларды отырғызуға/түсіруге транзиттік жолаушы пойыздарының қозғалысына тыйым салынады. 

Сонымен қатар, №68/67 «НұрСұлтан-Нұрлы жол - Өскемен-1» жолаушы пойызының ап - тасына бір рет жол жүру мерзімділігі және №351/352 «Алматы-2 - Өскемен-1» жолаушылар пойызының ағымдағы жылдың соңына дейін уақытша күнара қатынауы ұзартылды. Петропавл станциясынан шығатын жолаушыда 3 тәулікке жарамды COVID-19 ПТР тест анықтамасы міндетті түрде болуы қажет, сондайақ вокзалға күтіп алушы мен шығарып салушыға кіруге тыйым салынады. Тоқтатылған пойыз бен тыйым салынған станцияларға билет алғандарға ПТР анықтамасы болмағанда билетін қайтарып береді. Билетті қайтару қолмақол және қолма-қол ақшасыз есеп айырысу арқылы жүргізіледі.

Жолаушылар пойыздарының қозғалыс кестесі бойынша барлық ақпаратты «105» нөмірі арқылы білуге болады.