Литвада Stadler компаниясының түйіспелі-аккумуляторлы пойызы сынақтан өтуде
2026 жылдың ақпанында Каунас вокзалында 1520 мм табанды теміржолдар тарихындағы алғашқы түйіспелі-аккумуляторлы пойыздың таныстырылымы өтті, деп хабарлайды Rail-news.kz.
Литвалық LTG Link жолаушылар тасымалдаушысы үшін Stadler компаниясы жасап шығарған бұл пойыз қазіргі уақытта арнайы сынақтардан өтіп жатыр.
Техника Вильнюске 2025 жылдың желтоқсанында жеткізілген. Оған дейін LTG Link компаниясы Stadler өндірген айнымалы тоқпен жүретін электропойызды да сынақтан өткізе бастаған еді.
Келісімшарттың құны 226,5 млн еуро. FLIRT тобына жататын 5 вагоны бар 9 электропойыз және 3 вагоны бар 6 түйіспелі-аккумуляторлы пойызға тапсырыс берілген. Қазіргі таңда Литва 3 электропойыз бен 3 аккумуляторлы пойызды қабылдап алды.
Пойыздар Stadler-дің Польшадағы (Седльце) зауытынан Литваға автокөлікпен жеткізіліп, сол жерде 1520 мм табанға ауыстырылды.
Сынақ жұмыстары 2026 жылдың жаз айларының соңына дейін жалғасады. Жолаушылар мен жүк пойыздарының қозғалысына кедергі келтірмес үшін, тәжірибелік сапарлардың басым бөлігі түнде жүргізіліп жатыр.
Сынақ бағдарламасы толық аяқталып, тиісті сертификаттар алынғаннан кейін, жаңа пойыздар тұрақты бағыттарға шығарыла бастайды.