CAF Сербияға 30 электропойыз жеткізеді
CAF компаниясы Сербияның «Srbijavoz» ұлттық теміржол операторымен (қала маңы және қалааралық жолаушылар тасымалы) 30 электропойыз жеткізу туралы келісімшартқа отырды. Келісім құны 300 миллион еуродан асады; бұл сомаға пойыздарды екі жыл бойы техникалық қолдау қызметі де кіреді, деп хабарлайды Rail-news.kz.
Жаңа құрамдар Белградтың «BG Voz» қала маңындағы теміржол желісінде қолданылатын болады. Бұл CAF компаниясының Сербиямен жасасқан екінші ірі келісімшарты. Осыған дейін, 2009 жылы компания ел астанасы үшін 30 трамвай вагонын шығаруға тапсырыс алған болатын, олар қазіргі уақытта сәтті пайдаланылып жатыр.
Үш вагонда тұратын электропойыздар «Civity» платформасының негізінде жасалады. Шанағы алюминийден құйылатын бұл пойыздар сағатына 120 шақырым жылдамдықпен жүруге қабілетті. Әр пойыз 204 отыратын орынға есептелген, ал жалпы сыйымдылығы 546 адам. Сондай-ақ, вагондарда 18-ге дейін велосипед қоюға болатын алты көпфункционалды аймақ қарастырылған.