Германияның барлық вокзалында алкоголь тұтынуға тыйым салынады
«Deutsche Bahn» (DB) компаниясы өзіне қарасты барлық 5 400 вокзалда ішімдік ішуге тыйым салады. Бүкіл ел бойынша қолданылатын бұл ереже 2026 жылдың 15 қазанына қарай толық күшіне енеді, деп хабарлайды Rail-news.kz.
Шектеу «Deutsche Bahn» компаниясының мүлікті пайдалану ережелеріне сәйкес біртіндеп енгізіледі. Жобаның басты мақсаты — жолаушылар мен теміржол қызметкерлерінің қауіпсіздігін арттыру.
Таяудағы апталарда муниципалитеттермен, мемлекеттік органдармен және басқа да әкімшілік құрылымдармен келісе отырып, жергілікті станциялардың жұмыс ережелеріне өзгерістер енгізіледі.
DB бұл шешімді ішімдік салдарынан қайталанып отырған зорлық-зомбылық оқиғаларымен түсіндірді. Алдыңғы жумада осындай жағдайдың кесірінен теміржол қауіпсіздік қызметкеріне ауыр шабуыл жасалған болатын (бұл туралы RAILMARKET.com сайтының өткен репортажында айтылды).
«Бұдан былай шара қолданып, вокзалдарымызда ішімдік ішуге тыйым саламыз». Мөлшерден тыс ішімдік ішілген жерде зорлық-зомбылық деңгейінің де артатынына жиі куә болудамыз», - деді Deutsche Bahn бас директоры Эвелин Палла.
Қазірдің өзінде Германияның 30-ға жуық вокзалында, соның ішінде Кельн, Мюнхен және Гамбургте алкоголь тұтынуға тыйым салынған. DB мәліметінше, бұл нысандарда зорлық-зомбылық деңгейі төмендеп, қоқыс көлемі азайған.
Келесі шектеулер 1 қыркүйекте Берлиннің Орталық вокзалында («Берлин-Хауптбанхоф»), «Берлин-Гезундбрунненде», сондай-ақ Киль мен Брауншвейг вокзалдарында күшіне енеді. Қалған станцияларда шектеулер қазақ төңірегіне (қазанның ортасына) дейін кезең-кезеңімен енгізіледі.
Тыйым вокзал аумағындағы мейрамханалар мен лицензиясы бар басқа да қоғамдық тамақтану орындарында ішілетін алкогольге жүрмейді.
Сонымен қатар, жолаушыларға ашылмаған ішімдіктерді жүгінде немесе сатып алған сөмкелерінде тасымалдауға рұқсат етіледі.
Вокзалдың тыйым салынған аймағында ішімдік ішіп ұсталған кез келген адамнан аумақтан шығу талап етілуі мүмкін. Алаңға ережені қайталап бұзғандарға вокзалға кіруге толықтай тыйым салынады.