Алматыда IV Еуразиялық форум өтіп жатыр
«Қазақстан теміржолшысы» газетінің тілшісі
Бүгін Алматыдағы Логистика және көлік академиясында IV Еуразиялық форум өз жұмысын бастады. Өзара байланыс, пікірталас және тәжірибе алмасудың тиімді алаңы ретінде танылған форум темір жол көлігіндегі қауіпсіздік және цифрландыру мәселесін көтереді.
Дәстүрлі форум жұмысына ҚР Көлік министрлігі, Ғылым және жоғары білім министрлігі, Экология және табиғи ресурстар министрлігі, ҚР Президенті жанындағы Ұлттық Ғылым Академиясы, сондай-ақ Қазақстан, Ресей, Беларусь, Өзбекстан, Қырғызстан темір жолдарының өкілдері қатысады деп күтілуде.
Алқалы жиынға сонымен қатар «KAZLOGISTICS» Қазақстан көлікшілер одағы, «Қазақстан машина жасаушылар одағы» сынды көлік қауіпсіздігі мен ақпараттық технологияларды қамтамасыз ету және салалық жоғары оқу орындары арнайы шақырылған.
Форум жұмысы бірнеше панельдік сессияға бөлінеді. Атап айтқанда Теміржол көлігінде қозғалыс қауіпсіздігін қамтамасыз ету; Теміржол саласын цифрлық трансформациялау; Инфрақұрылымды жаңғырту; Жүк вагондары, қызмет көрсету және болашағы; Локомотив паркінің жұмысы және сенімділігі; «БОРТ» қауіпсіздік аспаптарын қолдана отырып, тыйым салу сигналының өтуінің алдын алу; Көлік ғылымын дамыту және көлік-логистика және коммуникация саласы үшін кадрлар даярлауды жетілдіру тақырыптары жиынның панельдік сессияларында жеке-жеке сөз болмақ.
Сонымен қатар дәстүрлі форум аясында көлік саласы өнімдерінің көрмесі де ұйымдастырылады деп күтілуде.
