Сенатта теміржол мәселесі сөз болды

Инфрақұрылым
16.02.2024, 10:19
Суретті түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

Кеше Парламент Сенаты отырысында ҚТЖ-да атқарылып жатқан жұмыстар мен алдағы жоспарлар, жалпы саланың өзекті мәселелері сөз болып, сенаторлар сауалдарына Көлік министрі Марат Қарабаев пен «ҚТЖ» ҰК» АҚ Басқарма төрағасы Нұрлан Сауранбаев жауап берді.

Көлік министрі ҚТЖ-ны ұлттық транзиттіклогистикалық компанияға айналдыру үшін жасалып жатқан жұмыстарға тоқталды.  

– Жалпы, ҚТЖ-ны ұлттық транзиттік-логистикалық компанияға айналдыру бойынша атқарылған жұмыстар екі бөліктен тұрады. Біріншісі – инфрақұрылым жасау, екіншісі – тасымалдау. Инфрақұрылым жасау бойынша Қытайдың Ляньюнган портында Қазақстан терминалы ашылған. Оның қуаты – 220 мың тонна. Бұдан бөлек, биыл бірінші кезең аясында Сиань портында тағы бір жаңа Қазақстан терминалы ашылды. Оның қуаты – 66 мың тонна. Ляньюнган портымен бірге Қорғаста арнаулы құрғақ жүктерге арналған терминал салынды. Одан кейін Алматыда Сиань портымен бірге құрғақ жүктерге арналған арнайы терминал құрылысын биыл бастаймыз. Сонымен қатар Ляньюнганмен тағы бір жобаны қолға алып, Ақтауда арнаулы терминал саламыз, – деді министр.  

Оның айтуынша, ел ішіндегі жүктерді сыртқа шығару бағытында Әзербайжанның Алят портында Abu Dhabi Ports компаниясымен бірге терминал салу келесі жылға жоспарланған. Ал Грузияның Поти қаласында қазақстандық жеке кәсіпкер қуаты 480 мың тонналық терминал салған. Оған ҚТЖ консорциум ретінде кірді. Қытайдан Еуропаға дейін инфрақұрылым салу бағытындағы жоспар және атқарылған жұмыс осы. Яғни Қытай аумағында бір терминал бітті. Биыл 2 терминал құрылысы басталады. Келесі жылы тағы 2 терминал салу жоспарланған. Сонымен қатар министр жүк тасымалдау бағытында да тоқталды. ҚТЖ сингапурлық PSA International Pte Ltd компаниясымен бірлесіп, Транскаспий көлік дәлізі бойынша жүктерді тасымалдайтын бірыңғай компания құрды. Осы компания Еуропа мен Қытай арасында жүктерді тасымалдаумен айналысады. Ресейден Иран мен Пәкістанға шығатын жол бойынша Abu Dhabi Ports компаниясымен екіжақты келісімшартқа қол қойылып, еншілес компания ашылды. Бірақ жүк тасымалдау әлі басталған жоқ.  

«ҚТЖ» ҰК» АҚ-ның Басқарма төрағасы Нұрлан Сауранбаев жолаушылар тасымалы және жол сапасына қатысты сауалдарға жауап берді.  

– Қазақстанда бүгінде 16 мың км теміржол бар. 2,5 мың км жолдың пайдалану мерзімі өткен. Президент тапсырмасымен 2030 жылға дейін 11 мың км жолға жөндеу жүргізу жоспарланған. Былтыр теміржолдағы жөндеу жұмыстары екі есе көбейді, – деді ол.  

Өткен жылы локомотивтердің күрт жетіспеу қаупі орын алған. Дегенмен, алдын ала тапсырыстың арқасында былтыр 119 локомотив сатып алынған. Биыл тағы 194, ал 2025 жылы 245 локомотив сатып алынбақ. Осылайша, тартым құралына қажеттілік толығымен шешіледі.  

Спикерлердің мәліметінше, темір жолда жылдан-жылға жүк көлемі де, айналымы да артып келеді. Мысалы, былтыр жүк көлемі 297 млн тонна рекордтық көрсеткішке жеткен. Жүк айналымы да 7 пайызға өскен.  

 

Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды
Жаңалықтар
26.08.2025
ҚТЖ және CRRC басшылығы кездесті
Инфрақұрылым
26.08.2025
Сексеуіл кентіндегі теміржол вокзалында күрделі жөндеу жүріп жатыр
Цифрландыру
26.08.2025
ҚТЖ мен Huawei стратегиялық әріптестікті нығайтады
Әлеумет
26.08.2025
«Жастарға жұмыс» жәрмеңкесі өтті
Жүк тасымалы
26.08.2025
Меже – транзиттік хабқа айналу
Аймақтар
26.08.2025
Теміржол торабы Шымкенттің даму қарқынын арттыруда
Қауіпсіздік
26.08.2025
Жіңішке станциясында кезекті рейд өтті
Әлеумет
26.08.2025
Берсең – балаға бер
Жаңалықтар / Мұрағат
26.08.2025
Қазақстан теміржолшысы газеті, №69 26 тамыз 2025 жыл
ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр