Маңғыстауда инфрақұрылым жаңғыртылып жатыр
Маңғыстау магистральдық желі бөлімшесі темір жолдың өткізу қабілеті мен қауіпсіздігін арттыру үшін инфрақұрылымды жаңғыртады, деп хабарлайды Rail-news.kz.
2024 жылы 38,8 км астам темір жол күрделі жөндеуден өтті, 17 бағыттамалы бұрма жиынтығы ауыстырылды, 2,6 км станциялық жолдар темірбетон шпалдармен нығайтылды.
Малдың жолға шығуын болдырмау үшін 131,5 км қоршау тартылды. Бейнеу, Жаңаөзен, Болашақ станцияларында вокзалдарға ағымдағы жөндеу жүргізілді.
Еңбек жағдайларын жақсарту шеңберінде «Теміржолсу – Маңғыстау» ЖШС күшімен 24 ғимаратқа ағымдағы жөндеу жүргізіліп, 20 модульдік ғимарат орнатылды.
Сай-Өтес станциясы бойынша пилоттық жоба аясында жұмысшыларды жұмыс орнына және теміржолмен кері тасымалдауға, сондай-ақ жолдың жоғарғы құрылымының материалдарын тасымалдауға арналған дрезин мен автоматрис дрезинінің тұрағына арналған гараждың модульдік түрін орнату жұмыстары жүргізілуде. Бұл ретте, модульдік ғимараттарда осы техника машинистерінің демалуы үшін барлық қажетті жағдайлар қарастырылған. 2025 жылы барлық жағдайлары бар 8 модульдік типтегі гараж орнату жоспарланған.
2024 жылы жұмысшыларды жұмыс орнына жеткізу және кері қайтару үшін 9 бірлік автокөлік жеткізілді.
