Цифрлы теміржол: ыңғайлы, тиімді, үнемді және қолайлы жүйе

Инфрақұрылым
28.12.2018, 13:55

Жағрапиялық орналасуы жағынан тоғыз жолдың торабында жатқан Қазақстан аумағы арқылы бірнеше республика транзиттік жүк тасымалын жүргізіп келеді. Бұл Қазақстан үшін зор мүмкіндік.  

Оның үстіне темір жол арқылы тасымалданатын жүк көлемі жылдан-жылға артып келеді. Биылғы жылдың он айында Жамбыл темір жол бөлімшесі арқылы 7 миллион 847 мың жүк тасымалданса, өткен жылдың осы мерзімінде 6 миллион 901 мың тонна жүк тиеліп тасымалданған екен. Темір жол арқылы тасымалданатын жүктің негізгі бөлігін ауыл шаруашылығы өнімдері, құрылыс заттары, қатты отын, сұйық отын, шикізат пен тыңайтқыштар құрап отыр. Өткен екі айда Меркі қант зауытына 660 вагон қант қызылшасы да темір жол арқылы жеткізілген. Сондай-ақ Ресей мен Өзбекстанға көкөністер мен құрылыс заттары жөнелтілген. Мұның бәрі өңірдегі көлік-логистикасының дамуына өз септігін тигізуде.  

– Ел экономикасын арттырудың бірден-бір тиімді көзі – көлік логистикасын дамыту. Ол еліміздегі шағын және орта бизнестің нығаюымен тікелей байланысты. Бизнес дамыған жағдайда тасымал әлеуетінің артатыны белгілі. Қазіргі таңда шағын және орта бизнес өкілдерінің темір жол тасымалына көбірек жүгінетіндігі бізді кәдімгідей қуантады. Сондай-ақ, Жамбыл теміржол бөлімшесі облыстағы қуатты өндіріс орындары «Қазфосфат», «Еурохим-тыңайтқыш», «Talas investment company» жауапкершілігі шектеулі серіктестері мен «Тараз» химиялық паркі» арнайы экономикалық аймағымен тығыз байланыста жұмыс істеп келеміз, – дейді «Қазақстан темір жолы – Жүк тасымалы» АҚ филиалы – Жамбыл бөлімшесі директорының бірінші орынбасары Үмітбек Рысбеков.

Десек те, көлік логистикасының дамуына үлес қосып отырған мұнан да өзге жетістіктер баршылық. Айталық, «Келісім және коммерциялық жұмыстарды» автоматтандырылған басқару жүйесі. Жамбыл бөлімшесіндегі автоматтандырылған басқару жүйесі бөлімінің басшысы Асылхан Тайлақбаевтың сөзіне сүйенсек, бұл жүйе жүк тасымалы төңірегінде қағазға толы жұмысты азайтып, вагон, жүк құжаттарының тезірек рәсімделу үдерісін арттырып отыр екен.

– Елбасының алға қойған бір міндеті – «Цифрлы Қазақстан» бағдарламасы. Осы тұрғыда теміржолдың жүк тасымалы саласында цифрлық жүйеге көшудің өте тиімді екенін уақыттың өзі дәлелдеп отыр. Бір ғана осы «Келісім және коммерциялық жұмыстарды» автоматтандырылған басқару жүйесінің табысты жүзеге асып келе жатқаны оған дәлел бола алады. Бұл жоба бойынша «Бірыңғай электронды терезе» қағидасымен жоспарлау, тасымалдауды ұйымдастыру және жүзеге асыру, қызмет көрсетуге байланысты ақы төлеу, есеп-қисап түгел электронды түрде жүргізілуде. Жүк жөнелтушілер интернеттегі арнайы портал арқылы тасымалдауды жоспарлап, оған тапсырыс береді және тасымалдау құжаттарын рәсімдеп, тасымалдаудың тарифтік көрсеткішін алдын ала есептеуге мүмкіндік алады. Бұл бізге ғана емес, кәсіпкерлер үшін де өте ыңғайлы, екі жаққа бірдей тиімді әрі үнемді және қолайлы болып отыр, – дейді бөлім басшысы А.Тайлақбаев.

Бұл жүйе бір жағынан сыбайлас жемқорлықтың алдын алып, жолын кесуге жұмыс істесе, екіншіден темір жол мекемесі мен кәсіпкер арасындағы ашықтықты қамтамасыз етіп отыр екен. Қазіргі таңда бұл жүйе арқылы тапсырыс берушілер қатары артып, кәсіпкерлер үйлерінде отырып-ақ шаруаларын электронды жүйе арқылы оңай шешіп отыр.

Жамбыл жүк тасымалы бойынша барлығы 32 жүк тасымалдайтын станция болса, бүгінде солардың бәрі «Келісім және коммерциялық жұмыстарды» автоматтандырылған басқару жүйесіне қосылған.

Жасұлан СЕЙІЛХАНОВ, 

Тараз


Жаңалықтар
10.07.2025
ҚТЖ: Қытайдағы негізгі серіктестермен бірқатар уағдаластықтарға қол жеткізілді
Спорт
10.07.2025
Щучинск қаласындағы республикалық спартакиадаға 250 теміржолшы қатысуда
Жаңалықтар
10.07.2025
KTZ Express ЕО елдеріне экспорттық мультимодальды тасымалды ұйымдастырды
Жаңалықтар
10.07.2025
Транскаспий дәлізі: Қазақстанның көлік және цифрлық инфрақұрылымдағы жаңа бағыты
Жолаушылар тасымалы
10.07.2025
Жолаушы мен жолсерік қуанышы (Видео)
Аймақтар
09.07.2025
Арыстағы біліктілік сайысы: вагон қараушылар шеберлігін сынады
Жаңалықтар
09.07.2025
«ИННОПРОМ–2025» халықаралық көрмесінде ЗИКСТО-ның болашағы талқыланды
Жолаушылар тасымалы
09.07.2025
ҚТЖ «Jibek Joly 5.0» туристік пойызының жаңа маусымын іске қосады
Жаңалықтар
09.07.2025
Кірме жолдардағы қозғалыс қауіпсіздігіне бақылау күшейтілді
Жаңалықтар
09.07.2025
ҚТЖ мен Қытай темір жолдары стратегиялық ынтымақтастық туралы жаңа келісімге қол қойды
Қауіпсіздік
09.07.2025
Жамбыл өңірінде пойыз қозғалысы қауіпсіздігіне қатысты 8 заңбұзушылық анықталды
Әлемде
09.07.2025
Иран мен Ауғанстан Хаф – Герат теміржол жобасын тез арада аяқтауға ниетті
Жаңалықтар
08.07.2025
ҚТЖ басшылығы Бейжіңде өткен ХТЖО-ның XII конгресінде бірқатар стратегиялық кездесулер өткізді
Қауіпсіздік
08.07.2025
Қарағанды – Ағадыр бағытында машинист шұғыл тежегіш қолдануға мәжбүр болды
Аймақтар
08.07.2025
Бейнеудегі машинистердің демалыс үйі жаңа кейіпке енді
Әлемде
08.07.2025
Әзірбайжан темір жолдары жазғы кестеге көшеді
Әлемде
08.07.2025
Тәжікстан Қытай–Қырғызстан–Өзбекстан теміржолы жобасына қосылғысы келеді
Әлемде
08.07.2025
Қытайда панда бейнесіндегі монорельс пойызы таныстырылды
Жолаушылар тасымалы
07.07.2025
ҚТЖ Алматы-Саратов бағытына жаңа вагондар шығарды
Жаңалықтар
06.07.2025
КТЖ басшылығы «Нұрлы жол» вокзал кешенінің жұмысымен танысты