Александр Ширяев: Қажетті вагон паркі мен тиімді тасымал ұсынамыз

Сұхбат
04.04.2025, 08:32
Суретті түсірген Александр ЖАБЧУК
Сұлугүл Бакесова

«Қазақстан теміржолшысы» газетінің тілшісі

«ҚТЖ» ҰК» АҚ еншілес ұйымы «Қазтеміртранс» АҚ – еліміздегі жүк вагон паркінің ірі операторы. Жиырма жылдан астам уақыт нарықта жүк тасымалдаушыларды қажетті жүк вагондарымен қамтамасыз етіп келе жатқан компания 2024 жылды қалай аяқтады, қандай табысты көрсеткіштерге қол жеткізді, алдағы күн еншісіне нендей міндеттерді қойып отыр? Осы сынды тағысын тағы мәселелер хақында акционерлік қоғам бас директорының орынбасары Александр Ширяевты әңгімеге тарттық.

– Александр Сергеевич, әңгімемізді компания меншігіндегі вагон паркінен, алдағы даму бағыттары мен артықшылықтарынан бастасақ...  

– «Қазтеміртранс» АҚ Қазақстандағы жүк вагон паркінің ең ірі жалғыз операторы деуге болады. Компанияның жекеменшік вагон паркіндегі вагондар саны 38 мың бірлік шамасында. Олар ашық және жабық вагондар, платформалар, астық және цемент тасушылар, тағы басқа да вагон түрлері. Енді компания қызметіне келсек, ол жүк вагондарын бағдарлау, арнайы жылжымалы құрамдарды жалға беру сияқты бағыттарды қамтиды. «Қазтеміртранс» АҚ вагондарымен тасымалданатын жүктердің басым бөлігін сусымалы, яғни көмір, шағыл тас, кен сияқты жүктер құрайды. Сонымен қатар ыдысты-даналанған жүктер, астық, құрылыс жүктері, тағы басқа тауарлар да тасымалданады. Компания перспективалы даму бағыттарына айрықша ден қойып отыр. Олардың қатарында жүк тасымалдаушы жылжымалы құрамдар паркін жаңалау, корпоративті басқару жүйелерін жетілдіру, сондай-ақ қызметтер сапасы мен әлемдік стандарттар үлгісіне сәйкес келу сияқты басты бағыттар бар. «Қазтеміртранс» АҚ-ның басты артықшылығы неде дейтін мәселеге келсек, ол әлбетте жаңа айтып өткенімдей, бізде ең үлкен вагон паркі болғандықтан, вагондармен қамтамасыз етудің ең үлкен мүмкіндігі туып отыр. Екіншіден, клиенттерге жеке кабинеттері арқылы онлайн режимде ең қолайлы сервис қарастырылған, үшіншіден компания ең ашық тарифтік саясатты ұстанады.  

– Жүк вагондарының ұлттық операторы өткен 2024 жылды қандай жетістіктермен қорытындылады, қандай жобаларды жүзеге асырды, осыған тоқталып өтсеңіз.  

– «Қазтеміртранс» АҚ бүгінде 2024 жылдағы жұмысын толық қорытындылап болды. Осы арада компания қызметкерлерінің бір команда болып, ұйысып ұжымдаса еңбек етуінің арқасында «ҚТТ» АҚ өте жақсы нәтижелер көрсеткенін айтар едім. Яғни кірістің айтарлықтай өсіміне қол жеткізілді, тұтынушыларға қызмет көрсету жақсарып, вагондарды жөндеу көлемі де ұлғайтылды. Егер қаржылық көрсеткішіне келсек, 2024 жылдың қорытындысы бойынша компанияның түпкілікті кірісі бастапқы межеден 76,8%-ға артық шықты. Бұл өсудің негізгі факторы жөндеу шығындарын үнемдеу және жаңа вагондар жөнелтімдерінің көбеюі есебінен болып отыр. Жүк вагондарының ірі операторы ретінде біз үшін клиенттер сұранысының қанағаттанарлық деңгейде болуы аса маңызды. Сондықтан біз бұл мәселеге айрықша мән беріп, жұмыс істейміз. Қуантатыны, бұл бағытта да жемісті нәтиже бар. Мәселен, 2024 жылы клиенттердің қанағаттануы 2023 жылмен салыстырғанда 4% артып, 89,17% құрады. Бұл арада қанағаттануды арттыруға бірнеше факторлар ықпал етті, олар: вагондар санын көбейту, жылжымалы құрамды жаңарту және қызмет көрсетілімінің автоматтандырылуын жақсарту. Компания вагондарды ағымдық ағытып алып жөндеуге жөнелту санын азайту арқылы да айтарлықтай табысқа қол жеткізді. Мәселен, 2024 жылы ағытып алу саны 2023 жылмен салыстырғанда 8% төмендеді. Бұл жөндеу мен техникалық қызмет көрсету сапасын арттырудың арқасында мүмкін болды. Өткен жылы жөндеуге кіргізілген вагондар санын алдыңғы жылмен салыстырғанда 5% немесе 756 вагонға арттырдық. Яғни 2024 жылы барлығы 14 353 вагон жөнделді. Сонымен қатар ҚТТ-ның негізгі өндірістік көрсеткіші болып табылатын тасымал көлемі 2024 жылы 100% орындалды. Бұдан басқа біз экспорттық нарықтарға шығу бойынша жұмыстар жүргізіп, жұмыс паркін ұлғайттық. Ал өткен жылы қандай жобалар қолға алынып, жүзеге асырылды дейтін болсақ, былтыр «Multicode» немесе «Өндірістік қызметті басқарудың бірыңғай платформасы» жобасының бірінші кезеңі аяқталды. Бұл жоба бизнес-процестерді автоматтандыруға және жақсартуға бағытталған. Бұдан басқа, «Бағдарлауда жүк вагондарын бөлу регламенті» әзірленіп, бекітілді, сондай-ақ 2025 жылдан бастап вагондарды жөндеу моделі анықталды. Инновациялық тасымалдау жолдары да қарастырылды. Бірінші рет ашық вагондарда астықты тасымалдау ұйымдастырылды. Келешекте желідегі кестені оңтайландыру үшін мұндай тасымалдарды ұлғайту жоспарланып отыр.  

– Әңгімемізді 2025 жылға қойып отырған жұмыс жоспарымен аяқтасақ...  

– 2025 жылы да компания даму бағытындағы жұмыстарын жалғастырып, жетістіктерін арттыруға күш салады. Алға қойып отырған негізгі мақсаттар арасында: экспорт үлесін 15% ұлғайту, 2025 жылға жоспарланған барлық көрсеткіштерді 100% орындау, клиенттердің қанағаттануын 87%-ға дейін, компанияның әлеуметтік тұрақтылық рейтингін 80%-ға дейін арттыру, сондай-ақ компанияның 3000 жаңа ашық вагонын толық пайдалану және экспорттық келісімшарттарда іске қосылған вагондардың үлесін 15%-ға дейін ұлғайту (4000 вагон) бар. Компания қызмет көрсету сапасын жақсарту, техникалық қайта жарақтандыру және тасымалдау мүмкіндіктерін кеңейту бойынша белсенді жұмыс жүргізуде, бұл нарықтағы позицияларды нығайтуға және клиенттердің сенімін арттыруға ықпал етеді. Қорыта айтқанда, 2024 жыл – «Қазтеміртранс» АҚ үшін айтарлықтай жетістіктер жылы болды деуге толық негіз бар. Өткен жыл нәтижелері ұжым алдында қойылған міндеттердің тұрақты өскенін және табысты іске асырылғанын көрсетіп отыр. Яғни компания кірісін ұлғайта білдік, барлық межеленген бюджеттік параметрлер мен жөндеуге қатысты өндірістік бағдарламаларды табысты орындадық. 2025 жылы да ҚТТ өзінің бәсекелестік артықшылықтарын нығайтуды, сервисті жақсартуды және клиенттерге тиімді тасымалдау мен қызмет көрсету үшін инновациялық шешімдерді дамытуды жалғастыратын болады. ҚТТ клиентке қажетті вагон паркі мен тиімді тасымал түрлерін кез келген уақытта және мерзімге ұсынады.  

– Әңгімеңізге рахмет!  

 

Әлеумет
20.05.2025
Сайөтес станциясында желілік полиция жолаушыларды ақпараттандыру шарасын өткізді
Қауіпсіздік
20.05.2025
Теміржолшылардың төтенше жағдайға дайындығы пысықталды
Станция тынысы
20.05.2025
Қызылсай теміржолшыларының қарбалас қызметі
Аймақтар
20.05.2025
Қала келбеті – теміржол бойынан басталады
Аймақтар
20.05.2025
Маңғыстауда жоспарлы жол жөндеу жұмыстары жүргізілуде
Жаңалықтар / Мұрағат
20.05.2025
Қазақстан теміржолшысы газеті, №38 20 мамыр 2025 жыл
Жаңалықтар
19.05.2025
Теміржолшылар климаттық өзгерістер жағдайындағы еңбек қауіпсіздігі мәселелерін талқылады
Жаңалықтар
19.05.2025
Машинист трактормен соқтығысуға жол бермеді
Жаңалықтар
19.05.2025
Студент темір жол станциясында суицид жасамақ болған азаматты құтқарып қалды
Станция тынысы
19.05.2025
Шиелі теміржолшылары жоғары көрсеткішке қол жеткізді
Инфрақұрылым
19.05.2025
ҚТЖ басшылығы Балқаш – Достық және Алтынкөл – Жетіген учаскелеріндегі инфрақұрылымдық жобалардың жүзеге асырылу барысын тексерді
Қауіпсіздік
19.05.2025
Жетісу облысында көлік пойызбен соқтығысты
Жаңалықтар
16.05.2025
Астанада Ақтау портында жаңа контейнер хабының құрылысы талқыланды
Спорт
16.05.2025
Жеңіс күні қарсаңында теміржолшылар арасында шағын футболдан турнир өтті
ҚТЖ келбеті
16.05.2025
Қырағы кезекші — қауіпсіздік кепілі. Арыс-Түркістан жолындағы оқиға
Спорт
16.05.2025
Маңғыстауда теміржолшылар арасында ұлттық спорт түрлерінен жарыс өтті
Аймақтар
16.05.2025
Тараз оқу орталығындағы жаңашылдықтар
Әлеумет
16.05.2025
Бақыттың кілті – еңбек пен сыйластықта
Қауіпсіздік
16.05.2025
Құрылғылар жұмысы қадағалануда
Жаңалықтар
16.05.2025
Транзит әлеуетіне арналған конференция өтеді