Теміржолшылар «Адал Жол» кеңсесімен бірге жемқорлық тәуекелдеріне сыртқы талдауды бастады
Корреспондент газеты «Қазақстан теміржолшысы»
«ҚТЖ-Жүк тасымалы» ЖШС орталық аппаратында кезекті кездесу өтті. Онда Мемлекет басшысының тапсырмасы бойынша әзірленген 2022-2026 жылдарға арналған сыбайлас жемқорлыққа қарсы саясат тұжырымдамасы талқыланды.
Құжат басымдығы – сыбайлас жемқорлық тәуекелдерін жою және сыбайлас жемқорлық бұзушылықтары үшін жағдайларға жол бермеу.
«Сыбайлас жемқорлыққа қарсы қызмет сыбайлас жемқорлыққа неғұрлым бейім салаларды анықтау бойынша мониторинг жүргізеді және сыбайлас жемқорлыққа қарсы іс - шараларды күшейту бойынша ұсынымдар енгізеді», – деп атап өтті ҚР Сыбайлас жемқорлыққа қарсы іс-қимыл агенттігінің Нұр-Сұлтан қаласы бойынша департаментінің аса маңызды істер жөніндегі офицері Айдос Мамыт.
Теміржолшылар «Адал Жол» жобалық кеңсесімен бірлесіп сыбайлас жемқорлық тәуекелдеріне ішкі аудит жүргізді.
Қазіргі уақытта сыбайлас жемқорлық тәуекелдеріне сыртқы талдау басталды. Бұл жұмысқа мемлекеттік органдар мен азаматтық қоғам өкілдері қосылады. Аудит компанияның әрбір құрылымдық бөлімшесінде сыбайлас жемқорлыққа осал учаскелерді анықтайды.