«Кедентранссервис» АҚ басшылығы Баку портына барды
Корреспондент газеты «Қазақстан теміржолшысы»
«Кедентранссервис» АҚ басшылығы «Баку халықаралық теңіз сауда порты» ЖАҚ-ның қызметі мен өндіріс қуаттылымен танысты, деп хабарлайды Rail-news.kz.
«Кедентранссервис» АҚ-ның бас директоры Арман Сұлтанов «Баку халықаралық теңіз сауда порты» ЖАҚ-ның басшысы Талех Зиядовпен келіссөз жүргізді, сондай-ақ Алят портының өндірістік қуаттылығымен танысты.
Келіссөз барысында тараптар 2021 жылы порттағы контейнерлік тасымал 11,6%-ға өскенін атап өтті. Сондай-ақ тараптар қазіргі Алят портының әлеуетін және оның инфрақұрылымын кеңейтудің екінші кезеңі аясында терминалдық қондырғыларды дамыту барысын талқылады.
Сонымен қатар, кездесуге қатысушылар Қазақстан мен Әзірбайжанның экспорттық және транзиттік әлеуетін іске асыру үшін Транскаспий халықаралық көлік бағыты дәлізінің қолда бар қуатын пайдалануға мүдделі әрі дайын екендіктерін білдірді.
Кездесу қорытындысы бойынша тараптар екі елдің көлік активтерін пайдалану тиімділігін одан әрі арттыру жөніндегі хаттамаға қол қойды.
Атап айтқанда, бұл мәселелер қысқа мерзімде пысықталып, алдағы уақытта ынтымақтастықты нығайту үшін нақты шаралар қабылданатын болады.