Ардагер – тоқсан жаста

Фото Александра Жабчука
Райхан Рахметова

«Қазақстан теміржолшысы» газетінің тілшісі

Астана локомотив пайдалану депосының ұжымы мен кәсіподақ ұйымы 90 жасқа толған ардагер Вера Петрованы арнайы құттықтап барды. Елордада тұратын зейнеткер кейуана жылда ұмытпай келіп, жылы лебіздерін білдіретін бұрынғы әріптестерін көріп қуанып қалды.  

Депоның кадрлық жұмыстар бойынша менеджері Венера Қалмаханованың айтуынша, бүгінде депода 400-ден астам зейнеткер бар. Солардың бірі Вера Яковлевнаның  салаға сіңірген еңбегі орасан. Ол – бірде бір байланыс құралы дамымаған заманда рейске шығуға кесте бойынша кезегі келіп тұрған локомотив бригадаларын жұмысқа шақырушы болған. Бір күнде 20 машинист пен олардың көмекшілерін шақыру үшін қарлы боранға, нөсер жауынға қарамастан үйлеріне іздеп барып, қараңғы көшелерде талай жыл құлап сүрініп жүріп еңбек еткен.  Бүгінгілер оның әңгімесін ертегідей таң қала отырып тыңдайды. Одан бөлек нарядтаушы, таспа ашып оқушы болып та жұмыс істеген. Деподағы ардагерлер кеңесінің төрайымы Людмила Красноштанованың айтуынша, ол ең алғаш жұмысқа келгенде, көп нәрсені осы зейнеткерден үйренген.  

Вера әжей Қарағандыда дүниеге келген. Ата-анасы Астраханнан жер аударылған. Әкесі теміржолда жолшы болған. Алайда әке-шешесі ерте қайтыс болып, Вера 14 жасында сіңілісі екеуі жетім қалады. Асханада, анда-мында  жұмыс істеп жан бағады. Өсе келе жағдайлары түзелген соң  жергілікті  локомотив депосына жұмысқа тұрады. Бұл - 1964 жыл екен.  Осы жерде табан аудармай  30 жыл еңбек етіп, 1994 жылы құрметті зейнет демалысына шығады.  

– Ол кез бен бүгінгі жұмыс жағдайын салыстыруға мүлдем келмейді. Машинистерді шақыру үшін көлік те, телефон да болған жоқ. Жаңбыр жауса езіліп жататын тастай қараңғы тар көшелер, тоқал тамдар, сұрапыл суықтар мен аязды күндері жаяулатып қаланың түкпір түкпірін жаяу аралап, машинистерді жұмысқа шақыратынмын. Заман сондай болды, бастысы тұрақты жұмысым, табысым болды. Бүгінде жағдай басқаша. Бәрі телефонмен жасалады, керемет қой. Мені ұмытпай, жыл сайын мереке сайын іздеп келіп тұратын ұжымыма  алғысым шексіз, – дейді туған күн иесі.  

Бүгінде Вера Яковлевна қызының қолында тұрады, оның өзі бүгінде  зейнеткер. Ол да осы депода өмір бойы еңбек еткен.  Қызынан туған немере ұлы мен келіні де қазір депода, бірі -  машинист, бірі -  заңгер болып еңбек етуде.  

 

Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады
Жолаушылар тасымалы
11.04.2024
Жолаушылар пойызында қыз бала дүниеге келді
Әлеумет
11.04.2024
«Кедентранссервис» су тасқынынан зардап шеккендерге көмек жіберді
Аймақтар
11.04.2024
Теміржолшыларға алғыс айтты
Аймақтар
11.04.2024
Қызылордада экологиялық айлық аясындағы жұмыстар жалғасуда
Жаңалықтар / Апта саны
11.04.2024
7 мыңнан астам адам су басқан аймақтардан пойызбен шығарылды
Әлеумет
11.04.2024
Түркістан станциясы су тасқынынан зардап шеккендерге біркүндік еңбек ақысын аударды
Инфрақұрылым
11.04.2024
Елімізде жүк және жолаушылар тасымалына инвестиция үш есе артқан
Әлеумет
11.04.2024
«Жолаушылар тасымалы» АҚ су тасқыны қаупі бар аймақтардан балаларды тасымалдайды