ҚТЖ компаниясы HR-менеджерлердің құзыретін арттыруға ден қойып отыр
«ҚТЖ» ҰК» АҚ-да адами ресурстарды басқару департаменті ұйымдастырған «HR Time» сараптамалық пікірталас клубының кезекті отырысы өтті, деп хабарлайды Rail-news.kz.
Клубтың басты міндеті – үздік тәжірибелермен алмасу, HR саласындағы бастамаларды сараптамалық қолдау, байланыстарды дамыту, жұмыс берушінің брендін ілгерілету.
Спикер ретінде ментор, «Shearwater Geoservices» теңіз сейсмикалық деректерін жинау және өңдеу жөніндегі шетелдік компанияның сейсмикалық инженері, теңіз төлқұжаты бар Қазақстанның жалғыз өкілі Ғалия Садықова сөз сөйледі. Ол корпоративтік тәлімгерлік бағдарламасы туралы айтты. Жас мамандардың жұмысын талдағаннан кейін Галия олардың күшті және әлсіз жақтарын атап өтіп, тәлімгерлік мәдениетін ілгерілету бойынша іс-қимыл жоспарын жасады. Оның бастамасы уақтылы және қажеттігін көрсетті, сонымен қатар басшылықтың қолдауына ие болды.
- Менің ойымша, ыңталанбаған адам өмірде ештеңе істей де және оған қол жеткізе де алмайды. Осы тәлімгерлік бағдарламасының мақсаты жас мамандарға бірінші басшылар мен танымал халықаралық сарапшылар атынан тәжірибелі тәлімгердің жеке қолдауын сезінуге көмектеседі, - деді Ғалия Садықова.
«ҚТЖ» ҰК» АҚ адам ресурстарын басқару департаментінің директоры Сәуле Истлеева «HR Тime» клубы персоналды басқарудың түрлі тәсілдерін зерделеуге арналған тұрақты жұмыс істейтін диалог алаңы екенін атап өтті. Өткен жылы HR-дың танымал сарапшылары, оның ішінде «Самұрық – Қазына» АҚ портфельдік компаниялары клуб қонақтары ретінде болды.
«ҚТЖ» ҰК» АҚ-ның HR командасы Компанияның бизнес-қажеттіліктері мен үздік тәжірибелерді ескере отырып, бастамаларды қалыптастыруға бағдарланған.