Солтүстік ПҚБО барлық теміржол тасымалының 46%-ын үйлестіреді
Өткен жылдың соңында «ҚТЖ» ҰК» АҚ бас ғимаратында Солтүстік өңір бойынша Пойыздар қозғалысын басқарудың өңірлік орталығы (Северный ПҚБО) ашылды. Енді солтүстік өңірдің төрт бөлімшесі – Ақмола, Қарағанды, Қостанай және Павлодар тасымалдарын үйлестіру елордадан жүзеге асырылуда. Бұл жоба тасымалдау процесін ұйымдастыруды едәуір жетілдірді, деп хабарлайды Rail-news.kz.
Күн сайын Астанадан Мойынтаға дейін 30 жұп жолаушылар пойызы, 40 жұп жүк құрамы өтеді. Жолаушылар пойыздарына әрқашан басымдық беріледі.
Диспетчерлер нақты уақыт режимінде елдің негізгі бағыттарындағы теміржол жағдайын бақылап, тасымалдау процесін ұйымдастыру бойынша маңызды және жедел шешімдер қабылдайды.
Еліміздің негізгі аграрлық өңірлерінде орналасқан Ақмола және Қостанай бөлімшелері астық жинау маусымында ай сайын бір миллионға дейін астық жүктерін тасымалдайды. Павлодар және Қарағанды бөлімшелері көмір тасымалдарымен танымал, бұл өңірлерге елдің барлық қатты отын тасымалдарының 90% тиесілі. Үш бөлімшеге – Павлодар, Қарағанды және Қостанай – темір жолдағы жалпы тиелімде кен тасымалдаудың 80% келеді. Павлодар бөлімшесінен тасымалдардың 80% жөнелту станцияларынан басқа станцияларда таратусыз және сұрыптаусыз межелі пунктке дейінгі маршруттармен жөнелтіледі, бұл жүкті жеткізуді едәуір жеделдетеді. Ақмола бөлімшесінің диспетчерлері әртүрлі жүктерді үйлестіреді, жүк жөнелтушілердің вагондарын қысқа мерзімде бірыңғай құрамға жинайды және мақсаты бойынша жөнелтеді.