«ҚТЖ» ҰК» АҚ-ның 1200-ден астам қызметкері марапатталды
Бұл күндері бүкіл ел теміржолшылары өздерінің кәсіби мерекелерін атап өтуде, деп хабарлайды Rail-news.kz.
Көпжылдық дәстүр бойынша теміржолшылар үшін айтулы датаның құрметіне компанияның барлық өңірлік бөлімшелерінде мерекелік іс-шаралар мен салтанатты жиындар өтеді, онда жұмыс қорытындыланып, жылы құттықтаулар айтылып, магистральдің үздік қызметкерлері марапатталады.
Биыл компанияның 1200 астам қызметкері түрлі марапаттарға ие болды. «Адал еңбегі үшін» белгісі 97 қызметкерге берілді. Сондай-ақ 218 теміржолшы «Кәсібі бойынша үздік» және «Үздік басшы» салалық атақтарын алды. Компания басшылығының құрмет грамоталарына және алғыс хаттарына 700 астам адам ие болды. Саланың басты наградасы – «Құрметті теміржолшы» белгісі – 76 қызметкерге табысталды.
Марапаттарды елордадағы орталық кеңседе еліміздің барлық өңірлерінен қызметкерлер шақырылған салтанатты жиында компания басшылығы табыс етті. Залдағы ең алдынғы орындарды консультативтік кеңес пен Ардагерлер кеңесінің мүшелері иеленді.
Бүгінгі таңда 110 мыңнан астам адам жұмыс істейтін компанияның әрбір қызметкерінің қосқан үлесі алғыс сөздерімен атап өтілді. Олардың бірлескен еңбегінің нәтижесінде салалық және мемлекеттік міндеттерді табысты іске асырылды.
Компания тәуелсіздік жылдарында жүк айналымы бойынша рекордтық көрсеткіштерден асып түсті. Геосаяси өзгерістерге қарамастан контейнерлік транзит өсуде. Ауқымды жөндеу-жол жұмыстары жүргізілуде. Жаңа жолдардың құрылысы басталды. Локомотив паркін жедел жаңарту жүріп жатыр.
Теміржолшылар күрделі өндірістік міндеттерді шешіп ғана қоймақ емес. Олар шын жүректен қайырымдылық жасап, спортпен шұғылданады және мәдени шараларға қатысады.
Салтанатты жиын дәстүрлі түрде өз әріптестеріне ҚТЖ-ның дарынды қызметкерлері дайындаған мерекелік концертпен аяқталды.