Жас теміржолшылармыз Ресейде өтіп жатқан жастар слетіне қатысуда
«Қазақстан теміржолшысы» газетінің тілшісі
Қазақстандық жас теміржолшылар 17-24 қыркүйек аралығында Ресей теміржолында өтіп жатқан ХV мерейтойлық жастар слетіне қатысуда.
Солардың бірі «ҚТЖ» ҰК» АҚ әлеуметтік саясаты департаментінің менеджері Жақсылық Молдақұлов Мәскеуде өтіп жатқан слетке 10 елдің, атап айтқанда Қазақстан, Беларусь, Қытай, Моңғолия, Куба, Өзбекстан, Тәжікстан, Қырғызстан, Армения, Абхазия елдерінің жас теміржолшылары қатысып жатқанын айтады. Қатысушылар үшін Мәскеудің көрнекі орындарын көрсететін мәдени бағдарлама дайындалған.
– Қызыл алаң, Зарядье паркі, Останкино мұнарасы, П.Чайковский атындағы театрды, сонымен қатар Ресей теміржолының өндірістік нысандарын араладық. Жалпы слеттің мақсаты – мерейтой аясында жан-жақты тәжірибе алмасу, жас теміржолшыларды өзге елдердің теміржолындағы жаңалықтарымен құлағдар ету. 19 қыркүйекте слеттің салтанатты ашылу рәсіміне «РТЖ» ААҚ басқарма төрағасы О.Белозеров қатысты, – дейді Жақсылық Молдақұлов.
Слет бағдарламасы шеңберінде ұлттық мәдениет фестивалін өткізу қарастырылған. Оның барысында әр елдің өкілдері мәдениетімен таныстыратын болады.