Республика күні қарсаңында "ҚТЖ" ҰК" АҚ-ның 1000 астам қызметкері марапатқа ие болды
Республика күні қарсаңында еліміздің теміржол көлігі қызметкерлері саланың дамуына ерекше үлес қосқаны үшін түрлі наградалармен марапатталды.
Жалпы, биыл компанияның еңбегі жоғары бағаланған 1000 астам қызметкері арасында 17 адам мемлекеттік наградалармен, соның ішінде "Құрмет", III дәрежелі "Еңбек Даңқы" ордендерімен, "Ерен еңбегі үшін", "Шапағат"медальдарымен марапатталды.
Сонымен қатар, теміржолшыларға салтанатты жағдайда компанияның орталық кеңсесінде "Адал еңбегі үшін" белгілері, "Самұрық-Қазына" АҚ-ның, компания басшылығының құрмет грамоталары мен алғыс хаттары табысталды. Биылғы жылы екі маңызды жаңа марапат - "ҚТЖ" ҰК" АҚ дамуға қосқан ерекше үлесі үшін" және "Ерлігі үшін" төсбелгісі тағайындалып отыр.
Марапатталғандар арасында әр түрлі теміржол кәсіптерінің адамдары - машинист-нұсқаушы, пойыз құрастырушы, жол шебері, көпір жолының шебері, жолсерік, сала зейнеткері және басқалар бар.
Мереке кезінде алғыс сөздерімен компанияның әрбір қызметкерінің қосқан үлесі атап өтіледі. Салалық және мемлекеттік міндеттерді табысты іске асыру бірлескен еңбектің нәтижесінде мүмкін болды.
Компания Тәуелсіздік жылдарында жүк айналымы бойынша рекордтық көрсеткіштерден асып түсті, контейнерлік транзит өсуде. Ауқымды инфрақұрылымдық жобалар іске асырылуда. Достық – Мойынты учаскесінде екінші жолдардың құрылысы жүргізілуде, Дарбаза – Мақтаарал, Бақты – Аягөз, Алматы станциясының айналма жолының жаңа желілерінің құрылысын бастау жоспарлануда. Локомотив паркін жедел жаңарту жүріп жатыр.
Салтанатты жиын дәстүрлі түрде өз әріптестеріне ҚТЖ талантты қызметкерлері дайындаған мерекелік концертпен аяқталды. Республика күніне орай компанияның барлық қызметкерлеріне 1 ЕТЖМ мөлшерінде біржолғы сыйлықақы төленетін болады.
Мерекелік іс-шаралар "ҚТЖ" ҰК" АҚ барлық өңірлік бөлімшелерінде өтті.