ҚТЖ-да жаңадан түскен әдебиеттер көрмесі өтуде

2023 жылғы 14 желтоқсанда "ҚТЖ" ҰК" АҚ орталық кеңсесінде кітап көрмесі ұйымдастырылды, оны "ҚТЖ" ҰК" АҚ Техникалық саясат департаментінің директоры – бас инженер Батыр Котырев ашты. 

Көрме магистраль қызметкерлерінің үлкен қызығушылығын тудырды. Онда Компания қызметінің барлық бағыттары бойынша (теміржол көлігі, көліктегі логистика, қауіпсіздік жүйелері, ақпараттық технологиялар, бизнес-әдебиеті және т.б.) Компанияның орталық аппаратының Ғылыми-техникалық кітапханасына түскен 207 кітаптың 150 астамының атауы ұсынылған. 

Кітапхана кең кітап қорымен танымал және теміржол өміріндегі кез-келген оқиғаларға жауап береді, оқырманға үнемі шолу материалдарын ұсынады. Кітапханада интернет желісіне қол жетімділік бар. 

Ғылыми-техникалық ақпарат қорларына корпоративтік желі арқылы қызметкерлерге ашық қолжетімділікті қамтамасыз ететін ғылыми-техникалық ақпаратты басқарудың автоматтандырылған жүйесі (ҒТА АБЖ) жұмыста кеңінен қолданылады. 

Өйткені, кітапханашының басты міндеті - қажетті ақпаратты жеткізу және оны әрбір теміржолшы үшін қолжетімді ету; білім мен біліктілікті арттыруға көмек көрсету, еңбек өнімділігінің өсуіне және озық тәжірибені енгізуге жәрдемдесу.

Ғылыми-техникалық кітапхана қызметкерлерінің күш-жігерімен теміржолшылардың болашақ ұрпақтары үшін бірегей теміржол қоры сақталуда және көбейтілуде. 

Орталық аппарат Ғылыми-техникалық кітапханасының бас кітапханашысы Данагүл Төлебаеваның айтуынша, теміржолшыларды ақпаратпен барынша толық және сапалы қамтамасыз ету үшін жол кітапханасының қызметкерлері кітапхана қызметінің түрлі нысандары мен әдістерін пайдаланады. Бұл тақырыптық көрмелер, шолулар, ақпарат күндері және жаңа түсімдер бюллетені.

Кітапхана түрлі кешенді іс-шараларға белсенді қатысады. Айтпақшы, ғылыми-техникалық кітапхананың оқу залы ешқашан бос болмайды. Оқырмандарға сапалы, толық кітапханалық және анықтамалық-библиографиялық қызмет көрсету кітапхананың "негізгі ресурсынсыз"  – әдебиетсіз мүмкін болмас еді. 

Жаңа әдебиеттер мен мерзімді басылымдарға жазылуды, жинақтауды және өңдеуді техникалық орталықтың ғылыми-техникалық ақпаратпен қамтамасыз ету жөніндегі функционалдық бағыттың қызметкерлері жүргізеді.