Заң қызметінің жұмысы қорытындыланды
«Қазақстан теміржолшысы» газетінің тілшісі
«Қазтеміртранс» АҚ құқықтық мәселелер жөніндегі басқарушы директоры Әділжан Алмусиннің төрағалығымен Ақмола, Алматы, Семей және Павлодар филиалдарының құқықтық қамтамасыз ету және заң қызметтері департаментінің басшылары мен қызметкерлерінің қатысуымен кеңес өтті.
Жиында 2024 жылдың бірінші жартыжылдығындағы филиалдардың заң қызметінің қорытындылары туралы есеп тыңдалды. Кеңеске қатысушылар құқық қолдану практикасындағы олқылықтарды сөз етіп, оларды тиімді шешу жолдарын талқылады. Тыңдау қорытындысы бойынша басқарушы директор Әділжан Алмусин компанияның заң қызметінің тиімділігін арттыруға бағытталған бірқатар тапсырмалар берді. Қорытындылай келе, құқықтық қамтамасыз ету департаменті топтарының өкілдері кеңеске қатысушыларды «ҚТЖ» ҰК» АҚ жалғыз акционерімен өзара іс-қимыл жөніндегі, сондай-ақ наразылық және келісімшарттық жұмыс, сенімхаттар дайындау және беру, сыбайлас жемқорлыққа қарсы іс-қимыл мәселелері бойынша корпоративтік рәсімдердегі өзгерістермен таныстырды, сондай-ақ филиал қызметкерлеріне атқарылған жұмысы және жоғары кәсібилігі үшін алғыс білдірді.
Талқылау нәтижелері бойынша барлық деңгейдегі заң қызметтерінің қызметкерлері арасындағы тиімді коммуникация атап өтілді, сондай-ақ алдағы кәсіби мереке – Көлік қызметкерлері күніне орай бірқатар филиалдардың заң қызметтерінің қызметкерлері: Ақмола филиалынан – М.Ермекқызы, Ж.Қонысбаев, Алматы филиалынан – А.Нұрғожаева, О.Рысқұлбек, С.Пралиева, Семей филиалынан – Г.Қожекенов және Павлодар филиалынан Қ.Нұрбай, сондай-ақ құқықтық қамтамасыз ету департаментінің директоры Р. Абдуллин «Қазтеміртранс» АҚ құқықтық мәселелер жөніндегі басқарушы директоры Ә.Алмусиннің алғысы мен атаулы грамотасымен марапатталды.