Астанада Translogistica Kazakhstan-2024 көрмесі өтеді

Жаңалықтар
05.09.2024, 09:31
Сұлугүл Бакесова

«Қазақстан теміржолшысы» газетінің тілшісі

Келесі аптада Астанада дәстүрлі халықаралық «Көлік және логистика» – Translogistica Kazakhstan-2024 көрмесі өтеді.  9-11 қазан аралығында өтуі жоспарланған Орталық Азиядағы аса маңызды іс-шараға 16 елден 200 аса компания қатысады деп күтілуде.    

1996 жылдан бері тұрақты өтіп келе жатқан Translogistica Kazakhstan көрмесі  көлік, логистика, машина жасау және аралас салаларда жұмыс істейтін мамандар үшін маңызды ақпараттық алаңға айналуда. Өйткені Translogistica Kazakhstan көрмесі мамандарға экспедиторлық компаниялармен және жеке жүк көлігі паркінің, контейнерлердің, вагондардың, теңіз және әуе кемелерінің, терминалдардың, қоймалардың және порт инфрақұрылымының иелерімен тікелей байланыс арқылы кез келген коммерциялық жүктерді жеткізуді оңтайландыруға, сондай-ақ көлік-логистикалық тізбекті құру үшін сенімді серіктестер табуға және тиімді шарттармен ынтымақтастық туралы уағдаласуға мүмкіндік береді. Жыл сайын Translogistica Kazakhstan көліктік-экспедиторлық қызмет көрсетуден бастап жүктерді сақтауға және өңдеуге арналған бағдарламалық қамтамасыз ету мен жабдықтарға дейінгі салалық шешімдердің толық кешенін көрсетеді.

Қазіргі уақытта Translogistica Kazakhstan-2024 көрмесіне қатысатындарын әлемнің 16 елінен 200-ден астам компания растап отыр. Олар – Австрия, Әзірбайжан, Беларусь, Германия, Грузия, Қазақстан, Қытай, Литва, Латвия, БАӘ, Ресей, Түрікменстан, Түркия, Өзбекстан, Швейцария және Эстония. Көрмеде Литва, Латвия және Эстония өздерінің ұлттық стендтерін көрсетеді деп жоспарланған.    

Көрмемен қатар салалық сарапшылардың, көлік ведомстволары басшыларының, логистикалық компаниялар мен қойма кешендерінің топ менеджерлерінің қатысуымен ауқымды іскерлік бағдарлама ұйымдастырылады. Көліктік машина жасау, қойма логистикасы, IT шешімдер, габаритті емес жүктерді тасымалдауды қоса алғанда, көлік саласын дамытудың өзекті мәселелері бойынша конференциялар мен дөңгелек үстелдер өтеді. Мәселен, «Қазақстандағы теміржол көлігі мен инфрақұрылымын дамыту» тақырыбындағы конференцияға оператор компаниялардың отандық және шетелдік менеджерлері, теміржол қызметтері нарығындағы тасымалдаушылар, теміржол жолаушылар және жүк көлігін, локомотивтер мен құрамдас бөлшектерді өндірушілер қатысып, бағдарлама халықаралық ынтымақтастықты нығайтуға, отандық теміржол машина жасауды дамытуға, көлік логистикасындағы цифрлық технологиялар мен кадрларды даярлауға бағытталады. Сондай-ақ көлік нысандары мен инфрақұрылымын салу және жаңғырту мәселелері талқыланады. Ал бірінші рет өткелі отырған  «Көлік және логистикадағы ІТ шешімдері» конференциясы алаңында жүк тасымалдау саласын автоматтандыруға арналған отандық цифрлық платформалардың жаңа мүмкіндіктері, кедендік ресімдеудегі заманауи ақпараттық технологиялар талқыланады. Ірі әзірлеушілер логистика және көлік саласындағы цифрлық жүйелерді енгізу тәжірибесімен бөліседі.

Конференцияға қатысушылардың қатарында мемлекеттік органдар мен салалық қауымдастықтар, көліктік, логистикалық және экспедиторлық компаниялардың басшылығы, IT өнімдері мен шешімдерін әзірлеушілер мен жеткізушілер, сондай-ақ сақтандыру, консалтинг және кедендік қызметтер саласында қызмет көрсететін компаниялардың өкілдері бар. Қазақстандық көлік апталығының қорытындысы бойынша саланың негізгі сарапшыларымен Expert Talks өтеді.

Көрмеге көлік, логистика бөлімдерінің басшылары мен мамандары және басқа да кәсіпорындардың мүдделі қызметкерлері, сондай-ақ ведомстволық бағынысты ұйымдар шақырылмақ. Көрмені Қазақстандық Iteca және Atakent-Expo көрме компаниялары ұйымдастырып, іс-шараға Қазақстан Республикасының Көлік министрлігі, «Қазақстан Темір Жолы» ҰК» АҚ, «KAZLOGISTICS» Қазақстан көлікшілер одағы, Қазақстан тасымалдаушылары және вагондар (контейнерлер) операторларының қауымдастығы, Ұлттық Экспедиторлар Қауымдастығы ресми қолдау көрсетпек.

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті