ТХКБ-ның даму перспективалары Нидерланды-Қазақстан Іскерлік кеңесі отырысында талқыланды
Астанада "Нидерланды - Қазақстан" Іскерлік кеңесінің отырысы өтті, оның жеке сессиясы "ҚТЖ" ҰК" АҚ өкілдерінің қатысуымен көлік және логистика мәселелеріне арналды, деп хабарлайды Rail-news.kz.
"KTZ Express" АҚ Бас директорының логистика жөніндегі орынбасары ("ҚТЖ" ҰК" АҚ еншілес ұйымы) Айбек Қапар іс-шараға қатысушыларды Транскаспий халықаралық көлік бағдары (ТХКБ) бойынша тасымалдаудың ағымдағы үрдістері және оның даму перспективалары туралы хабардар етті.
"Біз Баку, Констанца және Будапешт порттарында жүк терминалдары желісін дамытуға қатысуды қоса алғанда, жаңа жобаларды іске асыру есебінен Еуропалық Одақ елдерінде қатысуды кеңейтуді жоспарлап отырмыз. Бұл Азия мен Еуропа арасындағы жүктерді жеткізу уақытын қысқартуға, логистикалық шығындарды азайтуға және Қазақстанның Жібек жолындағы негізгі транзиттік торап ретіндегі ұстанымын нығайтуға мүмкіндік береді", - деп атап өтті спикер.