Павлодар конструкторлық-сынақ орталығында жаңа өндіріс игерілді
2024 жылы “ҚТЖ” ҰК” АҚ Магистральдық желі дирекциясының Павлодар конструкторлық-сынақ орталығында (КСО) жол шаруашылығына арналған 13 800 астам құрал дайындалып, 400-ден астам шағын механикаландыру мен техника жөнделді, деп хабарлайды Rail-news.kz.
Компания құрылымдық бөлімшелерінің жыл сайынғы жоспарлы тапсырмаларын орындаумен қатар, орталық стандартты емес мәселелерді де шешумен айналысады. Техникалық құжаттама мен сызбаларды әзірлеп, монтаждау мен сынауға қатысады, күрделі техникалық шешімдерді іске асыруда өнертапқыштарға көмек көрсетеді.
Өткен жылы КСО мамандары өздеріне жаңа бағыт ашты. Әдеттегі жұмыстардан өзге, мамандар желілік кәсіпорындардың өндірістік цехтарын жабдықтауға арналған 1140 орындық жасады.
- Орындықтарды жасамас бұрын тиісті өлшемдері бар эскиз дайындалды, оны біздің теміржолшылар мақұлдады. Материалдар мен бекіту элементтерінің мүмкіндігінше қарапайымы таңдалды. Бірінші сынақ партиясы Павлодар станциясының желілік цехтарында сыналды. Жұмысшылар оң баға берді: жиһаз функционалды, қарапайым және берік болып шықты. Осыдан кейін жол шаруашылығының басқа дистанциялары үшін де осындай өнім партиясын жасау туралы шешім қабылданды, - деді конструкторлық-сынақ орталығының бастығы Мұрат Макимов.
Жаңа орындықтар табельдерде, жылыту пункттерінде, бағыттамалық бекеттерде, киім ауыстыратын бөлмелерде және басқа да үй-жайларда пайдалану үшін жол дистанцияларына бөлінді. Батыс аймақтың кәсіпорындарына 287 дана, оңтүстікке 155 дана, орталық, шығыс және солтүстік аймақтарға тарату үшін тағы 698 дана жөнелтілді.
Павлодар конструкторлық-сынақ орталығы жиһаз жасау бойынша жұмысты жалғастыруға ниетті. Биыл тағы 1000 осындай орындық шығару жоспарлануда.
Жалпы, 2023-2024 жылдары Магистральдық желі дирекциясы қызметкерлердің еңбек және демалыс жағдайын жақсарту шеңберінде демалу үшін 312 модульдік ғимарат сатып алынды, 1224 жылыту пункті жабдықталды, 4320 бірлік шағын механикаландыру құралы, 9 мыңға жуық кеңсе техникасы, 3637 сөмке-контейнер сатып алынды, 436 ғимаратқа ағымдағы жөндеу жүргізілді.