ҚТЖ мен Ляньюньган порты 2024 жылдың қорытындысын шығарды

"ҚТЖ" ҰК" АҚ және "Ляньюньган порты МК" ЖШҚ басшылығы жұмыс кездесуін өткізіп, онда 2024 жылғы ынтымақтастықтың қорытындысын шығарды және өзара іс-қимылдың перспективалық бағыттарын талқылады, деп хабарлайды Rail-news.kz.

Кездесу барысында елдер арасындағы транзиттік тасымалдарды дамытуда маңызды рөл атқаратын Қорғас құрғақ порты мен Ляньюньган портындағы қазақстан-қытай терминалы жұмысының нәтижелері қаралды.

Тараптар 2025 жылға арналған ынтымақтастықтың басым бағыттарын белгіледі. Екіжақты ынтымақтастық аясындағы үшінші негізгі жоба болатын Ақтау портындағы контейнерлік хабтың бірлескен құрылысы басты назарда. Жоба көлік маршруттарының өткізу қабілетін арттыруда және өңірдегі негізгі логистикалық торап ретінде Қазақстанның ұстамын нығайтуда маңызды рөл атқарады