ҚТЖ Пәкістанның ірі компаниясымен ынтымақтастықты нығайтуда
Астанада ҚТЖ - ның еншілес компаниясы — KTZ Express пен Пәкістанның ең ірі логистикалық компанияларының бірі – TCS Logistics арасындағы ынтымақтастық туралы меморандумға қол қойылды, деп хабарлайды Rail-news.kz.
Келісім Қазақстан мен Пәкістан арасындағы жүк тасымалын дамытуға, мультимодальды маршруттарды кеңейтуге және Орталық пен Оңтүстік Азияны байланыстыратын тұрақты логистикалық тізбекті құруға бағытталған.
ҚТЖ Трансауған дәлізі бойынша жүктерді жеткізуді жеделдетуге және қазақстандық компаниялар үшін өткізу нарықтарын кеңейтуге мүмкіндік беретін сенімді және тиімді көлік тізбегін құруға ұмтылады.
Негізгі мақсат – бизнес үшін тұрақты және тиімді жағдайларды қамтамасыз ету, елдің экспорттық әлеуетін қолдау мен өңірлік ынтымақтастықты дамытуға үлес қосу.