Сианнан ТХКБ бойынша 100 мыңыншы контейнер жөнелтілді
Қытайдың Сиань қаласынан Транскаспий халықаралық көлік бағдарының (ТХКБ) маршруты бойынша контейнерлік пойыздың құрамында 100 мыңыншы контейнер (ЖФЭ баламасында) жөнелтілді, деп хабарлайды Rail-news.kz.
Пойыз құрамында электроника, жиһаз, халық тұтынатын тауарлар және басқа да өнімдері бар 50 контейнер жасақталған.
Мерейтойлық жөнелту "Қазақстан темір жолы" ҰК" АҚ, Қытай темір жолдары мен Сиань порты компаниялар тобының (ҚХР) бірлескен жұмысының нәтижесі болды.
Пайдалануға берілген 2024 жылдың ақпан айынан бері Сиандағы қазақ-қытай терминалынан 200 мың тоннадан астам жүк өңделіп, халықаралық саудадағы маңызды логистикалық платформаға айналды.
Осы терминалдан 100 мыңыншы контейнерді жөнелту оның жоғары сұранысы мен ТХКБ маршруты бойынша тасымалдауға әсерін, сондай-ақ екі елдің логистикалық серіктестері арасындағы өзара іс-қимылдың тиімділігін растайды.
