Мұражайға саяхат
«Қазақстан теміржолшысы» газетінің тілшісі
Елордада 110-нан астам колледж студенттері мен мектеп түлектері ҚТЖ теміржол көлігінің орталық музейіне экскурсияға келді.
Музей экспозициясы жастардың қызығушылығын туғызғаны анық, әсіресе көне телефондар мен аппараттар, әртүрлі жылдардағы теміржолшылар формасы, түпнұсқа шамдар және басқа да көне заттар Қазақстан темір жолының 120 жылдық тарихынан мағлұмат беретін бірегей жәдігерлер екенін мұражай меңгерушісі егжей-тегжей түсіндірді. Сондай-ақ балалар елдегі ең ірі көлік компаниясының әкімшілік ғимаратын аралап көріп, оның сәулетіне тәнті болды.
«Қазақстанда 2025 жыл «Жұмысшы маман дықтар жылы» болып жариялануы да мұндай кездесулердің маңызын арттырып отыр. Экскурсиялар оқушылар мен студенттерге теміржол мамандықтарымен жақынырақ танысуға, жұмысшы мамандықтарының маңыздылығын түсінуге, теміржол саласының тұрақты және сенімді жұмысының артында қанша еңбек, білім мен шеберлік тұрғанын көруге көмектеседі», – деп атап өтті мұражай меңгерушісі Ақмарал Молдашева.
Мұражай тек өткенмен кездесу орнына ғана емес, болашақты саналы түрде таңдауға арналған алаңға айналуда.