ҚТЖ «Таза Қазақстан» акциясы аясында қалдықтарды азайту жөніндегі іс-шараларды іске асырады
«Таза Қазақстан» экологиялық мәдениетін дамыту тұжырымдамасы шеңберінде «ҚТЖ» ҰК» АҚ-да жүйелі негізде полигондарға жіберілетін қалдықтар көлемін азайту, сондай-ақ қоршаған ортаға теріс әсерді азайту бойынша жұмыстар жүргізілуде. Жиналған қалдықтар одан әрі кәдеге жарату және қайта өңдеу үшін мамандандырылған және мүдделі ұйымдарға беріледі, деп хабарлайды Rail-news.kz.
2025 жылы өтеулі негізде 73 384 кг қалдық берілді, оның ішінде: макулатура – 22 422 кг, пластик – 6 519 кг, шыны – 1 247 кг, аккумуляторлық батареялар – 25 713 кг, пайдаланылған кеңсе техникасы – 3 708 кг, автомобиль шиналары – 13 775 кг.
«Жолаушылар тасымалы» АҚ бойынша 2025 жылы кәдеге жаратуға: макулатура – 4 429 кг, пластик – 1 398 кг, шыны – 1 242 кг берілді.
«ҚТЖ – Жүк тасымалы» ЖШС макулатураны – 11 143 кг, пластикті – 1112 кг, әйнекті – 20 кг, кеңсе техникасын – 1 401 кг кәдеге жаратқан.
«ҚТЖ» ҰК» АҚ – «Тасымалдау процесінің дирекциясы» филиалы кәдеге жаратуға өткізді: макулатура –1 575 кг, пластик – 493,7 кг, шыны – 28,8 кг, кеңсе техникасы – 1 220 кг.
Сонымен қатар, табиғатқа және қоршаған ортаға ұқыпты қарау мәдениетін қалыптастыру аясында теміржолшылар 2025 жылы бүкіл Қазақстан бойынша 180 мыңнан астам көшет отырғызды. Бұл бастама сала қызметкерлерінің «Таза Қазақстан» республикалық экологиялық қозғалысын қолдауға қосқан үлесі болып табылады.
Айта кетейік, Қазақстанда Мемлекет басшысының қолдауымен экологиялық мәдениетті қалыптастыруға және қоршаған ортаға жауапкершілікпен, ұқыпты қарауға бағытталған «Таза Қазақстан» республикалық экологиялық акциясы іске асырылуда.