«Мен жаңа жылдық ғажайыпқа бөлендім»: машинистер 7 жасар ерекше балаға локомотивке саяхат жасатты
Ерекше баланың анасы ҚТЖ әлеуметтік желілерінде өзінің ризашылығымен бөлісті. Ол ұлының әрқашан нағыз локомотивті көруді және оған баруды армандағанын жеткізді, деп хабарлайды Rail-news.kz.
«Біз вокзалға жиі барып, пойыздарға қарайтынбыз. Сондай күндердің бірінде біз локомотивке жақын келдік. № 009ЦА пойызы 22 желтоқсанда сағат 17:00-де Алматыдан жөнелтілді. Тұрдық, бақыладық, кенеттен терезе ашылды. Мен машинистке ұлымның пойыздарды жақсы көретінін және жай ғана көргісі келетінін түсіндірдім. Оған машинист: «Бір минут күте тұрыңыз», - деді де, содан кейін менің ұлым үшін ең қымбат есік ашылды, оны локомотив ішіне кіруге шақырды», — деп жазды анасы.
Жеті жасар Роман машинистің орнына отырып көрді, локомотивтегі түймелердің мақсаты мен пойыздың жылдамдығына қызығушылық танытты.
«Ол үшін осындай шағын саяхат өткізілді, ал ұлым тағы екі күн бойы оған нағыз ғажайып болғанын айтып жүрді. Толғанысы әлі күнге басылмаған, өйткені оның арманы орындалды. Ұлыма осы ұмытылмас жан толғанысын бергендердің барлығына үлкен рахмет», - деп қосты анасы өз жазбасында.