ҚТЖ паркі жаңа техникамен толықты
Электробалластер (ЭЛБ) және дизельді-монтаждық автомотриса (АДМ) компанияның арнайы техника паркін толықтырды, деп хабарлайды Rail-news.kz.
Аталған техника теміржол инфрақұрылымын күтіп ұстау мен жөндеу бойынша негізгі міндеттерді орындауға арналған.
Электробалластер жолды түзету мен тұрақтандыруға, балласты қалыптастыру және тарату арқылы оның геометриясы мен беріктігін қамтамасыз етуге пайдаланылады. Ал автомотриса энергетикалық жабдықтарды күтіп ұстау және жөндеу жұмыстарын орындауға арналған.
Жаңа жол машиналары еңбек өнімділігін арттырып, инфрақұрылымды күтіп ұстау сапасын жақсартады және қозғалыс қауіпсіздігінің жоғары деңгейін қамтамасыз етеді. Бұл — өндірістік базаны жаңарту мен теміржол саласының техникалық әлеуетін дамытудағы кезекті маңызды қадам.