Жылумен қамту – жүз пайыз

Жаңалықтар

14.11.2017, 14:55

«Теміржолсу» АҚ темір жол станциялары мен бекеттерді жылумен қамту қызметіне кірісіп кетті, барлық қазандықтар штаттық режимде жұмыс істеуде. Көмір, мазут, газ сатып алуға келісімшарттар жасалып, барлық қазандық шаруашылығына отын жеткізу кестеге сай жүзеге асырылуда, барлық жерде бір жарым айлық қор бар. Өндірістік персонал жұмысқа кірісер алды оқытылып, сүтпен, арнайы жұмыс киімі және аяқ киімімен 100 пайыз қамтамасыз етілген. Осы жылы «ҚТЖ» ҰК» АҚ-ның «Магистральдық желі дирекциясы» филиалы дизель отынымен істейтін қазандық шаруашылығын «Теміржолсу» АҚ-ның сенімді басқаруына тапсырды. Бұл шаруашылық Алматы облысындағы Нұркент станциясы халқы мен бюджеттік ұйымдарын жылу энергиясымен қамтамасыз етіп, соның арқасында шамамен 90 млн теңге үнемделмек. 2017 жылы бірқатар станциялардағы қазандықтарда ұзақ жанатын 18 қазандық орнатылды: Атап айтсақ, Аягөз – 4 , Жарма – 2, Қойбағар – 2, Қостанай – 2, Алтынтау – 2 , Екібастұз Парк Г- 2, Жезқазған – 2 және Жаңаарқа – 2. Осыған байланысты отыннан 2 200 мың теңге, соның ішінде осы жылы төртінші тоқсанда 20 пайыз көлемде жоспарлы үнемдеуге қол жеткізіледі деп күтіп отырмыз, – дейді «Теміржолсу» АҚ бас инженерінің міндетін атқарушы Ғазиз Жайылғанов. Оның айтуынша, Қызылорда облысы Шиелі станциясындағы екі қазандық қатты отыннан газға ауыстырылған. Сонымен бірге биыл соңғы тоқсанда отынды 624, 24 мың теңге немесе 53%-ға дейін жоспарлы үнемдеуге қол жеткізілмек. 2017-2018 жылғы жылыту маусымының қорытындысы бойынша, іс жүзіндегі отын үнемдеу қорытындысы шығарылатын болады. Осылайша «Теміржолсу» АҚ-да теміржол кәсіпорындарын, бюджеттік ұйымдарды және халықты қысқы уақытта жылу энергиясымен барынша экономикалық және технологиялық тиімділік тұрғысынан қамтамасыз етуге арналған шаралар қабылданды. Бас инженердің айтуынша, бүгінгі таңда жылумен қамту – жүз пайызды құрайды.

Жылумен қамту – жүз пайыз

Басқа да жаңалықтар

«Қазақстан теміржолшысы» газеті, №100 26 қараша 2024 жыл