Теориядан тәжірибеге дейін

Жаңалықтар

05.01.2018, 11:54

Достық вагон пайдалану депосында техникалық оқуға ерекше көңіл бөлінеді. Себебі, тек теория мен тәжірибе бірге әрекет еткенде ғана сапа пайда болатынын оқу жөніндегі нұсқаушы Қанат Машарипов әрбір жұмысшының санасына сіңіргенді қалайды. Оның пікірінше, көлік саласлында нашар дайындалған маман апаттық жағдайларға себепші болуы әбден мүмкін. Қанат қашан да алға ұмтылатын маман. Өндірістің тәжірибеден бөлек оның педагогтық біліктілігі де жоғары. Ол әрбір сабағын қайталанбастай қызықты етіп, мысалдар келтіріп өткізуге тырысады. Сонда тыңдаушының есінде сақталып қалары анық. Еңбек жолын Достық станциясында вагондарды ауыстыру пунктінде слесарь болып бастаған ол вагон шаруашылығында бірде бір ұсақ бөлшекті назардан тыс қалдарымай өз ісін жетік меңгеріп, біліктілік арттыру курстарынан өтіп, іздену арқасында аз жылда үздік маманға айналды. Кейін жөндеуші-қараушы болып ауысқанда да бұл жұмысы оған өз мамандығын одан әрі терең біліп, кәсібін жақсы меңгеруге мүмкіндік берді. Мықты теориялық білім мен бай тәжірибе өз нәтижесін беріп, 2014 жылы Қанат оқу жөніндегі нұсқаушы болып қызмет ауыстырды. Мақсаты - өз міндеттерін жоғары деңгейде атқарып, жүк және жолаушылар вагондары паркі жағдайын қырағылықпен бақылау міндетім деп білетін мамандар оқытып шығару. Оның дәрістерінің тақырыбы сан алуан. Оның ішінде, вагон шаруашылығында кең таралған букс торабының бұзышылығын анықтау тақырыбын Қанат үнемі түсінікті етіп түсіндіріп, тыңдаушылар үшін тақырыпты кеңінен талқылайды. Вагон қараушылардың өзара пікір алмасып, өз ойларын айтуына жол ашады. – Маған жас мамандардың депоға шын мәнінде өз бетінше жұмыс істеу үшін келді ме немесе өз қалаулары болмаса да ойда-жоқта келе салған ба, соны білу қызық. Біздің жұмысымыз қашан да нақтылықты, төзімділікті, әрине, сонымен бірге мамандығыңды жақсы көруді талап етеді. Теміржолдың өзіндік ережесі, ұстанымы бар, жоғары оқу орнын тәмамдаған бір дипломның иесі болу ештеңе шешпейді, «оқы, оқы және оқы» девизімен күн сайын білім жетілдіру қажет, сонда ғана сен білікті теміржолшы боласың, - дейді Қанат. Нұсқаушы Машарипов сонымен қатар, жаңа жобалар мен техникалық жаңашылдықтар жасауға да белсене қатысады. Биыл ол, мысалы айналма жеңдерді нығайту бойынша рационализаторлық ұсыныстың авторы ататнды. Әріптестері оны кәсібилігі және адамгершілік қасиеттері үшін сыйлайды. Оның тек қана теория мен практика, яғни білім мен тәжірибе ғана мақсатқа жеткізеді деген ұстанымымен бәрі келіседі.

Теориядан тәжірибеге дейін

Басқа да жаңалықтар

Қазақстан теміржолшысы газеті, №51 04 шілде 2025 жыл