Болашақ теміржолшылар диплом алды

Жаңалықтар
09.07.2019, 14:04
Жасулан Сейлханов

Теміржолшылар қатары тағы біршама жас мамандармен толығатын күн алыс емес. Темір жол көлігі үшін орта буын мамандар дайындайтын Тараз теміржол көлік және коммуникация колледжінің биылғы жылғы бітіруші түлектеріне диплом табыстау салтанаты өтті.

Оған Жамбыл ЖТ бөлімшесі директорының бірінші орынбасары Үмітбек Рысбеков, бөлімшенің персоналдармен жұмыс істеу бөлімінің басшысы, колледждің қамқоршылық кеңесінің төрайымы Айнагүл Нағашбек, колледждің 1962 жылғы түлегі, спорт шебері Евгений Гостев арнайы шақырылды.

Биыл теміржолшылар дайындайтын оқу орнын 2 жыл 10 ай бойы студенттік өмірдің ащысы мен тұщысын қатар татып, болашағына біліммен капитал құйған 209 түлек бітіріп отыр.

– Бүгін сіздер үшін аса маңызды күн. Себебі сіздер диплом ғана емес, үлкен өмірге жолдама алып отырсыздар. Үш жылға жуық уақыт бойы еліміз экономикасының күретамыры атанған темір жол саласына осыншама маман дайындаған колледж ұжымына, ұстаздарға алғыс білдіреміз. Ең бастысы, осы бітіруші түлектердің бәрінің жұмысқа тұрып кеткенін қалаймын. Мүмкін кейбірің мамандық бойынша жоғары оқу орындарына түсетін шығарсыңдар. Қалай болған күнде де бәріңе сәттілік серік болсын, – деді түлектерді құттықтаған Жамбыл жүк тасымалы бөлімшесі директорының бірінші орынбасары Үмітбек Рысбеков.

Колледж директоры Ұлжан Кенжебаева өмірдің жаңа сатысына қадам басқалы отырған шәкірттеріне жылы лебізін білдіріп, алған білімінің жемісін көрулеріне тілектестік білдіре отырып, шәкірттерінің әрқайсысы еліміздің қажетіне жарар білікті маман болып, өмірден өз орындарын табарына сенімді екенін жеткізді.

– Өйткені, біз сіздерге болашаққа берік іргетас қалауға тырыстық. Ұстаздарыңыз еккен теориялық білімдеріңізді өндірісте тәжірибемен толықтырып, мықты маман боласыздар деген үміттемін. Өйткені, уақыт өткен сайын сіздерге артылар сенім де, жауапкершілік те арта түседі. Сол жолда аянбай еңбек етіп, темір жол саласында, жалпы өмірде толайым табысқа жете беріңіздер, – деді колледж директоры.

Оқу орнын үздік бітірген түлектер Үмітбек Рысбеков бастаған қонақтардың қолынан «қызыл» диплом алу құрметіне ие болды.   

Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста