Терроризм қаупінен сақтандырды
![](https://rail-news.kz/uploads/posts/2019/10/21/1571674049799.jpeg)
![](https://rail-news.kz/img/noimg.png)
Тараз-Шу арасындағы темір жол телімі бойында республикалық жедел-тактикалық оқужаттығуы өткізілді.
«Антитеррор-теміржол-2019» деп аталатын шара барысында мемлекеттік органдардың темір жол инфрақұрылымы нысандарында терроризм актілерінің жолын кесу бойынша өзара іс-қимыл дағдылары пысықталды. Оқу-жаттығуда теміржол инфрақұрылымы нысандарының терроризмге қарсы қорғалуы мен ақпараттық жүйелері киберқорғанының жай-күйі тексерілді. Арнайы мақсаттағы бөлімшелер пойыздың вагонында кепілдегілерді босату және террористерді бейтараптандыру бойынша операция жүргізді.
«Оқу-жаттығу мақсаты мен міндеттері толық орындалды деген ойдамыз. Қатыстырылған мемлекеттік органдардың күштері мен құралдары террористік қауіп-қатерлердің жолын кесу бойынша өзара іс-қимылдың жоғары деңгейін көрсетті. Мұндай оқу-жаттығулар жолаушылардың қауіпсіздігін нығайтып, болат жолдың бойында орын алатын қылмыстарды азайтады», – дейді Жамбыл жүк тасымалы бөлімшесінің қауіпсіздік жөніндегі мамандары.