«Нұрлы жол» вокзал кешенінің қызметкерлері арнайы оқытылды
«Қазақстан теміржолшысы» газетінің тілшісі
«Нұрлы жол» вокзал кешенінің қызметкерлері төтенше жағдайлар кезінде әрекет ету бойынша азаматтық қорғаныс саласында арнайы оқытылуда.
Нұр-Сұлтан қаласының төтенше жағдайлар департаментінің мамандарынан осы бағытта өзге де мекемелермен қатар теміржолшылар да білім алуда. Әзірге вокзалдың 11 қызметкері төтенше жағдай салдарынан болатын көшіру, апатты жою және зардап шеккендерге алғашқы медициналық көмек көрсету бойынша оқу курсынан өтті. Енді жыл соңына дейін тағы 36 вокзал қызметкері осы курсқа бармақ.
– «Нұрлы жол» вокзалы – елімізде көлемі аса ауқымды, әрі заманауи бағытта салынған стратегиялық нысан. Халық көп шоғырланатын орын болғандықтан төтенше жағдай бола қалған жағдайда біздің қызметкерлер бәріне дайын болуы керек. Осы мақсатта аталған үш күндік курста олар өрт қауіпсіздігі, ТЖ-дың психологиялық қырлары, азаматтық қорғаныс саласында білім алып, соңында сынақ тапсырып, алған білімдерін пысықтайды, – дейді вокзал кешені техникалық бөлімінің бас маманы Жаннұр Шайхина.