Пойыздарды тазарту компаниясына айыппұл салынды
ҚТЖ жолаушылар пойыздарында қызмет көрсету сапасын жақсарту бойынша жүйелі жұмыс жүргізуде, деп хабарлайды Rail-news.kz.
Жолаушылардың тазалық жоқтығына және ҚТЖ вагондарын уақытылы жинамауына жиі шағымдануына байланысты масс-медиа өкілдерінің қатысуымен жеке тексеріс жүргізілді.
Тексеру компанияның Павлодар, Астана, Қарағанды, Петропавл, Көкшетау, Қостанай және т.б. бағытында жүретін "Жолаушылар тасымалы" АҚ Солтүстік филиалы пойыздарында клинингтік қызметтер көрсету бойынша міндеттемелерінің орындалмағанын көрсетті. Ереже бұзушылықтардың арасында тазалау сапасының төмендігі, сапаны бақылаудың болмауы, қызметкерлер біліктілігінің жеткіліксіздігі, сондай-ақ құжаттарды бұрмалау бар.
Клинингтік компанияға айыппұл салынды. Анықталған бұзушылықтар жойылмаған жағдайда шартты бұзу туралы мәселе қаралатын болады.
Сондай-ақ, "Жолаушылар тасымалы" АҚ "Северный" өңірлік филиалының директорына, директордың сервистік қызмет көрсету жөніндегі орынбасарына және өндірістік-техникалық оқыту жөніндегі нұсқаушысына пойыздарды тазалау сапасын бақылауға жауапты қатаң сөгіс жарияланды. Сондай-ақ, "Жолаушылар тасымалы" АҚ "Северный" өңірлік филиалы учаскесі бастығының атқаратын лауазымына сәйкестігі қаралатын болады.
ҚТЖ кез келген бұзушылықтарға "нөлдік төзімділік" қағидатын ұстана отырып, жолаушыларды клинингтік қызметтер сапасыздығына, пойыздардағы тазалыққа байланысты басқа да сәйкессіздіктер фактілерді фото, аудио және бейне материалдарымен @Jolaushylar_tasymaly Instagram парақшасына (direct) немесе +7 776 714 5686 Ватсап-нөмірі бойынша жіберуге шақырады
Дильназ Айдарбекова