«Жаңа адамдар» қозғалысының 3 мыңнан астам қатысушысы ҚТЖ пойыздарымен тасымалдады

«Жолаушылар тасымалы» АҚ «Жаңа адамдар» жастар қозғалысының 3 мыңнан астам қатысушысын Астанаға тасымалдауды ұйымдастырды, деп хабарлайды Rail-news.kz.  

Қатысушылардың уақтылы жетуі және кері қайтуы үшін 6 бағыттағы пойыз қатынайды. Олар Шымкент, Тараз, Алматы, Семей, Павлодар, Петропавл, Көкшетау, Жезқазған, Қарағанды және Қостанай қалаларынан жастарды жеткізді.

Астанада жастар «Жаңа адамдар сейшні» форумына қатысады. Бұл форум азаматтық қоғамды нығайтуға және заманауи бастамаларды жүзеге асыруға бағытталған белсенді, мақсатшыл жастарды біріктіреді.

Қатысушылардың жайлы жол жүруін қамтамасыз ету үшін №263/264 «Шымкент-Тараз-Астана», №261/262 «Алматы-Астана», №265/266 «Семей-Павлодар-Астана», №268/267 «Петропавл-Көкшетау-Астана»,№269/270 «Жезқазған-Қарағанды-Астана», №271/272 «Қостанай-Астана» пойыздары қатынайды.

Ұлттық тасымалдаушы жастардың бастамаларын белсенді қолдай отырып, жоғары сапалы тасымал қызметін ұсынады.