Дөңес кезекшісі

ҚТЖ келбеті
22.11.2022, 11:17
Суретті түсірген автор
Ардақ Ерубаева

Ақтөбе облысы бойынша меншікті тілші

Қандыағаш станциясында тәулігіне 2500 вагон өңделетін ірі сұрыптау дөңесінің жұмысын тәжірибелі мамандар ұйымдастырады. Соның ішінде автоматтандырылған басқару жүйесін ұршықша «иіріп» отырған Сергей Бузиннің жауапкершілігі жоғары.

Сергей Александрович – дөңес кезекшісі. 21 жолдан тұратын сұрыптау дөңесіндегі қозғалысты күнделікті ұйымдастырады. «Тобыл – Астана», «Сарыағаш – Астрахань», «Арыс – Мақат», «Тобыл – Ақтөбе» бағытындағы әр пойыздың жүрісін жатқа біледі десек болады. Жылжымалы құрамның қозғалысын мүлтіксіз ұйымдастырып отырған теміржолшы автоматтандырылған жүйенің артықшылықтары туралы айтып берді.  

«Бұрын мұндай мүмкіндік болмады. «Соқыр» адамдай ештеңені көрместен қозғалысты ұйымдастыратынбыз. Рация, телефон арқылы хабарласып, у-шу боп отыратынбыз. 2015 жылдан бері Ұлттық компания тарапынан көптеген жұмыстар қолға алынды. Толықтай сандық жүйеге көше бастадық. Нәтижесінде қозғалысты автоматтандырылған қондырғылармен ұйымдастыратын жағдайға жеттік. Қазір тек бақылап отырамыз», – дейді станция кезекшісі Сергей Бузин.  

Сұрыптау дөңесінің кезекшісі Сергей еңбек жолын 1991 жылы Қандыағаш станциясында бастаған. Мектепті бітірген бойда теміржол саласына жұмысқа орналасыпты. Станция басындағы қозғалысты реттеушілердің бірі болған ол өзіне жүктелген міндетін жауапкершілікпен атқарып, тәжірибе жинайды. Кейін оператор қызметін атқарады. 1995 жылы станция кезекшісі болады.  

Кейіпкеріміз 12 сағат ішінде 1500 вагонды өңдеп отырған автоматтандырылған дөңес жұмысымен таныстырды. Барлық қозғалыс экраннан көрініп тұр. Тоқтаусыз жұмыс істеп тұрған 21 жолда 31 баяулатқыш бар. Цифрландыру нәтижесінде вагондарды бағыттап отыратын операторлар жұмысы жеңілдеген. Жылжымалы құрамдарды парктен паркке ауыстыру, вагондарды жөндеу жолдарына әкелу, ағыту, тіркеу, ауыстыру, өңдеу жұмыстары қарқынды, 24 сағат бойына тоқтаусыз жүреді.  

«Жылжымалы құрамдар жұмысын ұйымдастыру барысында ең бірінші қозғалыс қауіпсіздігінің сақталуына аса мән бересің. Жұмыс өте жауапты. Бірақ, қызметім өзіме ұнайды», – дейді кейіпкеріміз.  

 

Жүк тасымалы
26.11.2022
Биыл Ақтау және Құрық теңіз порты арқылы 1,5 млн тонна жүк тасымалданды
Жаңалықтар
25.11.2022
Теміржолшы Құттыбек Шархатбаевқа әріптестері ескерткіш тақта орнатты
Темір жол тарихы
25.11.2022
Оқушылар теміржолшылар мұражайындағы жәдігерлермен танысты
Қауіпсіздік
25.11.2022
Келер жылы локомотивтерге бейнетіркегіш құрылғысы орнатылады
Жүк тасымалы
25.11.2022
ТХКБ – жүк тасымалдаудың тиімді дәлізі
Инфрақұрылым
25.11.2022
Биыл 943 км жол жөндеуден өтті
Әлеумет
25.11.2022
Кадр саясатына жаңаша көзқарас
Жаңалықтар
25.11.2022
Алматыда ҚТЖ қолдауымен 5G байланыс жүйелерін дамыту бойынша құзыреттілік орталығы ашылды
Мұрағат
25.11.2022
«Қазақстан теміржолшысы» газеті, №92 25 қараша 2022 жыл
Жаңалықтар
24.11.2022
7 мыңнан астам жүк вагоны жөндеуден өтті
Аймақтар
24.11.2022
Ерен еңбек еленді
Әлемде
24.11.2022
Әзербайжан ел бойынша ең үлкен теміржол көпірін салып жатыр
Жүк тасымалы
24.11.2022
Алматы бөлімшесі бойынша құрылыс жүктері мен кендерді тиеу артты
Әлемде
24.11.2022
Жоғарғы орындағы жолаушыларға төменгі орында тамақтануға ресми рұқсат берілді
ҚТЖ келбеті
23.11.2022
Баба ізін басқан шөбере
Әлемде
23.11.2022
Моңғолия 2030 жылға қарай жүк тасымалын 41 млн тоннаға жеткізбек
Жаңалықтар
23.11.2022
«Тальго» пойызына отырған ресейлік блогер сапары жайлы шолу жасады
Жолаушылар тасымалы
23.11.2022
"Бригадир конверті" қызметін 150 мыңнан астам адам пайдаланған
Темір жол тарихы
23.11.2022
95 жыл бұрын Луговой станциясында Түркістан-Сібір магистралінің алғашқы рельсі төселді
ҚТЖ келбеті
22.11.2022
Дөңес кезекшісі