Мерейі үстем Меңсұлу

ҚТЖ келбеті
07.03.2024, 15:19
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

«Мәншүк туралы дастан» фильмі жарыққа шыққанда ол алты жасқа енді толған тұлымшағы желбіреген, құралай көздері мөлдіреген бүлдіршін еді.  

Жамбыл ауданына қарасты Аса ауылындағы орта мектепте 8 класты бітіріп, 1978 жылы сол кездегі Жамбыл қаласындағы «ГПТУ-88» аталған техникалық училищеге «Станция кезекшісі» мамандығы бойынша оқуға түскен кезде қатар құрбылары Меңсұлудың бұл таңдауына қатты таң қалған. Себебі құрдастары оны актриса болады деп ойлайтын. Көпшілігі оны Мәншүк рөлін сомдаған Наталья Арынбасароваға қатты ұқсататын.

Бірақ Меңсұлу Донбаева әкесі Ширмамедтің жолын жалғастырып, теміржол саласын таңдады. 1981 жылы училищені бітіріп, Тараз станциясына тауар кассирі болып жұмысқа орналасқан кезде де оны көпшілігі фильмдегі Мәншүкке ұқсататын. Бұл «Мәншүк туралы дастан» фильмі көрерменнің ыстық ықыласына ие болған жылдар еді.  

– Әкем Ширмамед Донбаев ПЧ-51-де жолшы болып жұмыс істеді. Анам Мәрия 8 перзентті дүниеге әкелген көпбалалы ана. Отбасында екіншімін, әке жолын алғаш мен жалғадым. Менен кейін інім Исатай теміржолда жолшы, құрастырушы, парк кезекшісі болып жұмыс істеді. Өкінішке қарай, екі жыл бұрын өмірден озды. Қазір сіңлім Майя осы салада еңбек етуде, техникалық кеңсе операторы, – дейді кейіпкеріміз Меңсұлу Донбаева.

Жұрт оны Мәншүкке бекер ұқсатпаған екен. Қайсар қыз қызығынан қиындығы көп, еркіндігінен тәртібі темірдей қатты күрделі саланы таңдады. Бірақ мұнысына ол еш өкінген емес. Орта біліммен алысқа шаба алмайтынын түсініп, 1982 жылы Алматы темір жол көлігі инженерлері институтына оқуға түседі. Үш жылдан соң тұрмыс құрып, өмірге үш қыз әкеледі.  

Тауар кассирінен кейін парк кезекшісі болып жұмыс істейді.  Кейінірек технология орталығының операторы болады. Бүгінде «ҚТЖ-Жүк тасымалы» ЖШС «Жамбыл ЖТ бөлімшесі» филиалына қарасты «Пойыз ақпараты мен тасымалдау құжаттарын өндейтін станциялық технологиялық орталығының» басшысы.  

– Станциядағы жұмыс өте күрделі. Пойыздарды құру жоспарына сәйкес белгіленген параметрлері бойынша Тараз станциясына келген пойыздарды құжат бойынша тексеріп, бағыттарға белгілеп, жаңа пойыздарды құрастырамыз. Станция бойынша барлық келген және кеткен, таратылған пойыздардың саны, тұрған уақытын көрсететін сандық және сапалық көрсеткішін көрсететін айлық және тоқсандық есеп дайындаймыз. Берілген тапсырмалардың барлығын дер кезінде орындау үлкен жауапкершілік жүгін жүктейді.  Соған қарамастан жұмысымды өте жақсы көремін.  Тіпті, уақытты кері бұрып, қайтадан мамандық таңдауға мұрсат берсе, осы жұмысымды таңдарым сөзсіз. Мен өзімді басқа салада елестете алмаймын, өйткені теміржолшы мамандығы менің табиғатыма жақын, – дейді 43 жыл темір жолда тер төгіп жүрген майталман маман.  

Әріптестері Меңсұлу Донбаеваның жұмысына жан-тәнімен берілген жан екенін айтады. Кейіпкеріміздің керемет қасиеті қашанда көмек қолын созуға дайын. Әріптестеріне де, салаға жаңадан келген жас мамандарға да мол тәжірибесімен бөлісіп, қолғабыс етіп жүргені Меңсұлудың мерейін үстем етеді.  

 

Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды
Жаңалықтар
15.04.2024
Су басқан аймаққа Түркістан өңіріндегі теміржолшылар да атсалысуда
Аймақтар
15.04.2024
Талас станциясынан 24 арнайы ауыр техника тиеген құрам жолға шықты
Жаңалықтар
15.04.2024
Су тасқыны кезінде 21 мыңға жуық адам ҚТЖ пойыздарымен тасымалданды
Аймақтар
15.04.2024
Ақтөбеге ауыр техникалар келді
Аймақтар
15.04.2024
Қызылордадан БҚО-ға жүк пойыздарына тиелген 106 арнайы техника жөнелтілді
Аймақтар
15.04.2024
Атыраулық теміржолшылар су тасқынына қарсы жұмыстарға атсалысып жатыр
Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады